Qazaqstan Respýblıkasy Qazaqstan Respýblıkasy
Aýyl sharýashyly mınıstrligi Ekonomıkalyq damý jáne saýda mınıstrligi
2011 jylǵy 14 qyrkúıektegi 2011 jylǵy 16 qyrkúıektegi
№16-02/519 №308
Balyq jáne basqa sý janýarlaryn qorǵaý, ósimin molaıtý jáne paıdalaný aıasyndaǵy jeke kásipkerlik salasyndaǵy táýekel dárejesin baǵalaý ólshemderin bekitý týraly
Qazaqstan Respýblıkasynyń «Qazaqstan Respýblıkasynda memlekettik baqylaý jáne qadaǵalaý týraly» 2011 jylǵy 6 qantardaǵy Zańynyń 13-baby 4-tarmaǵyna sáıkes buıyramyz:
1. Qosa berilip otyrǵan balyq jáne basqa sý janýarlaryn qorǵaý, ósimin molaıtý jáne paıdalaný aıasyndaǵy jeke kásipkerlik salasyndaǵy táýekel dárejesin baǵalaý ólshemderi bekitilsin.
2. Qazaqstan Respýblıkasy Aýyl sharýashylyǵy mınıstrliginiń Balyq sharýashylyǵy komıteti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin resmı jarııalanýyn;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń resmı ınternet-resýrsynda jarııalanýyn qamtamasyz etsin.
3. «Balyq jáne basqa sý janýarlaryn qorǵaý, ósimin molaıtý jáne paıdalaný aıasyndaǵy táýekel dárejesin baǵalaý krıterıılerin bekitý týraly» Qazaqstan Respýblıkasy Aýyl sharýashylyǵy mınıstriniń 2010 jylǵy 11 aqpandaǵy № 85 jáne Qazaqstan Respýblıkasy Ekonomıka jáne bıýdjettik josparlaý mınıstriniń 2010 jylǵy 17 aqpandaǵy № 63 birlesken buıryǵynyń (normatıvtik-quqyqtyq aktilerdi memlekettik tirkeý tiziliminde № 6094 tirkelgen, «Egemen Qazaqstan» gazetinde 2010 jylǵy 16 naýryzdaǵy № 96-97 (25943) jarııalanǵan) kúshi joıyldy dep tanylsyn.
4. Osy buıryqtyń oryndalýyn baqylaý jetekshi Qazaqstan Respýblıkasy Aýyl sharýashylyǵy vıse-mınıstrine júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Qazaqstan Respýblıkasy
Aýyl sharýashylyǵy Ekonomıkalyq damý jáne saýda
mınıstriniń m.a. mınıstriniń m.a.
___________________ E.AMAN. _____________ M.QUSAIYNOV.
Qazaqstan Respýblıkasy Aýyl sharýashylyǵy mınıstriniń m.a. 2011 jylǵy 14 qyrkúıektegi №16-02/519 jáne Qazaqstan Respýblıkasy Ekonomıkalyq damý jáne saýda
mınıstriniń m.a. 2011 jylǵy 16 qyrkúıektegi №308 birlesip buıryǵymen bekitilgen
Balyq jáne basqa sý janýarlaryn qorǵaý, ósimin molaıtý jáne
paıdalaný aıasyndaǵy jeke kásipkerlik salasyndaǵy táýekel dárejesin baǵalaý ólshemderi
1. Jalpy erejeler
1. Balyq jáne basqa sý janýarlaryn qorǵaý, ósimin molaıtý jáne paıdalaný aıasyndaǵy jeke kásipkerlik salasyndaǵy táýekel dárejesin baǵalaý ólshemderi (budan ári – Táýekeldi baǵalaý ólshemderi) «Qazaqstan Respýblıkasynda memlekettik baqylaý jáne qadaǵalaý týraly» jáne «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń Zańdaryna sáıkes ázirlengen jáne memlekettik baqylaý obektileriniń tikeleı qyzmetimen, salalyq damý erekshelikterimen jáne osy damýǵa áser etetin faktorlarmen baılanysty, balyq resýrstary jáne basqa sý janýarlaryn paıdalanýmen (arnaıy paıdalaný, áýesqoılyq (sporttyq) balyq aýlaýdy qospaǵanda, melıoratıvtik jáne eksperımenttik aýlaýdy, akvakýltýra, sonymen birge ósimin molaıtý maqsatyndaǵy aýlaý), sý alýmen (balyq qorǵaý qondyrǵylarynyń bolýyna jáne jumys isteýine qatysty), zoologııalyq kolleksııalaýmen jáne akvaósirýmen aınalysatyn memlekettik baqylaý obektilerin belgili bir táýekel dárejesine jatqyzýǵa múmkindik beretin sandyq jáne sapalyq kórsetkishterdiń jıyntyǵy bolyp tabylady.
2. Osy Táýekeldi baǵalaý ólshemderi mynadaı uǵymdar paıdalanylady:
1) táýekel – tıgizetin saldardyń aýyrlyq dárejesi eskerile otyryp, tekserýshi sýbektiler qyzmetiniń nátıjesinde balyq resýrstary jáne basqa sý janýarlaryna zııan keltirý, balyq sharýashylyǵy sý aıdyndarynda (ýchaskelerinde) ekologııalyq jaǵdaıdy nasharlatý jáne bıologııalyq tepe-teńdikti buzý yqtımaldyǵy;
2) tekserilýshi sýbektiler – sý paıdalanýshylar (balyq qorǵaý qondyrǵylarynyń bolýy jáne jumys isteýi máselesi boıynsha), zoologııalyq kolleksııalardyń ıeleri jáne ósimin molaıtýmen jáne akvaósirýmen aınalysatyn jeke uıymdar.
2. Táýekeldi baǵalaý ólshemderi
3. Táýekeldi baǵalaý ólshemderi obektıvti jáne sýbektıvti ólshemder bolyp bólinedi.
4. Obektıvti ólshemder boıynsha tekserilýshi sýbektiler maǵynasyna qaraı úsh topqa jikteledi:
1) joǵary dárejeli táýekeldi birinshi top – aýyl sharýashylyǵynyń muqtajdyǵy úshin kásiptik balyq aýlaýmen, ǵylymı-zertteý maqsatyndaǵy aýlaýlarmen, sý alýmen aınalysatyn tekserilýshi sýbektiler;
2) ortasha dárejeli táýekeldi ekinshi top – baqylaýdyń:
aýyz jáne sharýashylyq-turmystyq sýmen jabdyqtaý úshin sý alýmen;
tabıǵı sý aıdyndarynda (tuıyq emes) akvaósirýmen aınalysatyn tekserilýshi sýbektiler;
3) tómen dárejeli táýekeldi úshinshi top – baqylaýdyń:
ónerkásip kásiporyndary jáne energetıka muqtajdyǵy úshin sý alýmen;
jasandy sý aıdyndarynda (tuıyq) akvaósirýmen;
zoologııalyq kolleksııalaýmen aınalysatyn tekserilýshi sýbektiler;
5. Budan ári júrgizilgen tekserýlerdiń nátıjesinde sýbektıvti ólshemder negizinde eseptelingen jáne jınalǵan upaılarǵa sáıkes tekserilýshi sýbektiler tıisti táýekel toptaryna jatqyzylady.
6. Sýbektıvti ólshemderge maǵynalary boıynsha qaýiptiligi joǵary, qaýiptiligi ortasha jáne qaýiptiligi tómen zań buzýshylyqtarǵa bólingen balyq jáne basqa sý janýarlaryn qorǵaý, ósimin molaıtý jáne paıdalaný salasyndaǵy zań buzýshylyqtary jatady.
7. Árbir qaýiptiligi joǵary zań buzýshylyq 15 upaıǵa sáıkes bolady, olarǵa:
1) balyq aýlaý erejelerin óreskel buzýshylyq (Tyıym salynǵan ýaqytta tyıym salynǵan jerlerde tyıym salynǵan aýlaý quraldarymen tyıym salynǵan ádispen balyq aýlaý);
2) balyq resýrstary men basqa sý janýarlaryn paıdalanýdaǵy shekteýler men tyıymdardyń talaptaryn buzý;
3) balyq qorǵaý qurylǵylarynsyz sý tartý jáne túsirý qurylystaryn paıdalaný;
4) ýákiletti organ belgilegen sý tartý qurylystarynyń balyq qorǵaý qurylǵylaryna talaptardy saqtamaý;
5) ýákiletti organnyń ruqsatynsyz jáne memlekettik ekologııalyq saraptamanyń qorytyndysyn alýsyz janýarlardy býdandastyrý boıynsha is-sharalardy júrgizý;
6) janýarlardy óz erkimen meken etý ortasyn aýystyrý, jersindirý, qaıta jersindirý;
7) zoologııalyq kolleksııany zoologııalyq kolleksııa tizimine engizý týraly kýáliktiń bolmaýy;
8) Qazaqstan Respýblıkasy Úkimetiniń ruqsatynsyz zoologııalyq kolleksııada Qazaqstan Respýblıkasynyń Qyzyl kitabyna engizilgen balyq jáne basqa sý janýarlarynyń bolýy jatady.
8. Árbir qaýiptiligi ortasha zań buzýshylyq 10 upaıǵa sáıkes bolady, olarǵa:
1) balyq aýlaýdy júrgizý jáne balyq aýlaý erejelerin buzý;
2) sý tutyný sharttaryna ýákiletti organ kelisiminiń bolmaýy;
3) ósirilip jatqan balyq jáne basqa sý janýarlarynyń (materıaldardyń) tabıǵı ortaǵa shyǵý (joıylý) jaǵdaıynyń bolýy;
4) janýarlar aýrýlarynyń anyqtalýy, olardyń ómir súrý ortasy jaǵdaıynyń nasharlaýy, olardyń joıylý qaýpiniń paıda bolýy jáne balyq jáne basqa sý janýarlarynyń qyrylý jaǵdaılary;
5) ýákiletti organnyń ruqsatynsyz balyq jáne basqa sý janýarlaryn Qazaqstan Respýblıkasyna ákelý jáne odan tysqary jerlerge shyǵarý;
6) ýákiletti memlekettik organnyń ruqsatynsyz janýarlardy tabıǵı ortasynan alý arqyly zoologııalyq kolleksııany qurý jáne toltyrý;
7) quryp ketý qaýpi tóngen jabaıy faýna men flora túrlerin jáne olardyń jeke eksponattaryn halyqaralyq satý jónindegi Konvensııa qosymshasyna engen janýarlar túrleriniń zoologııalyq kolleksııasyn atalǵan Konvensııa boıynsha mindettemelerdi atqaratyn ákimshilik organnyń ruqsatynsyz Qazaqstan Respýblıkasynan shyǵarý jáne onyń aýmaǵyna ákelý jatady.
9. Árbir qaýiptiligi tómen zań buzýshylyq 5 upaıǵa sáıkes bolady, olarǵa:
1) balyq qorǵaý qurylǵylaryn ornatýǵa ýákiletti organ kelisiminiń bolmaýy;
2) bıologııalyq negizdemesiz akvaósirý maqsaty úshin balyq sharýashylyǵy sý aıdyndaryn jáne (nemese) ýchaskelerin paıdalaný;
3) eriksiz nemese jartylaı erikti jaǵdaıda sırek nemese quryp ketý qaýpi tóngen janýarlar túrlerin ósirý jáne molaıtý úshin janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti memlekettik organ ruqsattamasynyń bolmaýy nemese onyń talaptaryn oryndamaý;
4) ýákiletti organnyń ruqsatynsyz zoologııalyq kolleksııalardy jáne olardyń eksponattaryn Qazaqstan Respýblıkasynan shyǵarý jáne onyń aýmaǵyna ákelý;
5) ósirilip jatqan materıalǵa saqtandyrý sharalaryn júrgizbeý jatady.
10. Jınalǵan upaı sany negizinde, tekserilýshi sýbektiler tıisti táýekel toptaryna jatqyzylady:
1) júrgizilgen tekserý nátıjesinde 15 upaı jáne odan joǵary jınaǵan tekserilýshi sýbektiler qaýiptiligi joǵary táýekel tobyna jatady;
2) júrgizilgen tekserý nátıjesinde 10-15-ke deıin upaı jınaǵan tekserilýshi sýbektiler qaýiptiligi ortasha táýekel tobyna jatady;
3) júrgizilgen tekserý nátıjesinde 10 upaıǵa deıin jınaǵan baqylaý sýbektteri qaýiptiligi tómen táýekel tobyna jatady.
11. Bir deńgeıli táýekel obektilerin tekserýdi josparlaýdyń birinshi kezektiligine:
1) kórsetilgen baqylaý obektisinde kóp anyqtalǵan zań buzýshylyqtardyń sany;
2) balyqtardyń jáne/nemese basqa sý janýarlarynyń qyrylý faktileri;
3) aldyńǵy tekserý kezinde jasalynǵan zań buzýshylyqtyń mańyzy;
4) buryn júrgizilgen sońǵy tekserýdiń eń kóp merzimi negiz bolyp tabylady.
Buıryq Qazaqstan Respýblıkasynyń Ádilet mınıstrliginde 2011 jylǵy 10 qazanda Normatıvtik-quqyqtyq kesimderdi memlekettik tirkeýdiń tizilimine №7245 bolyp engizildi.