Ońtústik Qazaqstan oblysy memlekettik eńbek ınspeksııasy jónindegi basqarmasynyń basshysy Almasbek Mamytbekovtyń málimdeýinshe, eńbek zańnamasy kóbine jumysqa qabyldanǵan qyzmetkerlermen eńbek sharttarynyń jasalmaýy, eńbek shartyn zańsyz buzýshylyq, jalaqynyń ýaqytyly tólenbeýi sııaqty faktiler boıynsha buzylýda.
Sondaı-aq eńbek qatynastary salasyndaǵy zań buzýshylyqtar jumys berýshilerdiń QR eńbek zańnamasyn bilmeýi, ony oqyp-úırenýge talpynbaýy, jumys berýshilerdiń osy máselege jetkilikti kóńil bólmeýi saldarynan da oryn alýda. Oblystyq óńirlik kommýnıkasııalar qyzmetinde ótken brıfıngte basqarma basshysy byltyr óńir kásiporyndary men mekemelerinde Qazaqstan Respýblıkasynyń eńbek zańnamasynyń saqtalýyn baqylaý maqsatynda 1027 tekserý júrgizilgenin málim etti. Nátıjesinde 1308 zań buzýshylyq anyqtalyp, onyń 1276-y joıylǵan. Basqarma basshysynyń aıtýynsha, anyqtalǵan zań buzýshylyqtardyń negizinde oryndalýy mindetti 674 nusqama berilip, eńbek zańnamasynyń buzylýy boıynsha 19 717 610 teńge kóleminde aıyppul salynǵan. О́tken jyldyń qorytyndysy boıynsha oblysta shetel jumys kúshin tartýǵa ruqsaty bar 76 mekeme tirkelgen. Bul mekemelerde 27 myńnan astam Qazaqstan Respýblıkasynyń azamattary jáne 3087 shetel mamany jumys isteýde. Sondaı-aq, byltyr basqarma 2500-ge jýyq azamattyń aryz-shaǵymdary men mekemelerdiń hattaryn qarap, olar boıynsha zań aıasynda sharalar atqarǵan.
Ǵalymjan ELShIBAI,
«Egemen Qazaqstan»
Ońtústik Qazaqstan oblysy