Táýelsiz elimizdiń Tuńǵysh Prezıdenti Nursultan Nazarbaevtyń asqaq armandarynyń alǵysharty – tarıhı taǵdyrymyzdyń, sonyń ishinde ózi bastap, abyroımen alyp kele jatqan kúreskerlik ólmes rýhymyzdyń qundylyqtaryn kezegimen kelip jatatyn urpaqtardyń sanasyna ózine tán ózgeshe tereńdik tegeýrinmen jetkizip, sińirip otyrý ekenin barlyq eńbekterinen sózsiz ańǵarýǵa bolady.
Elbasynyń jańadan jaryq kórip, tarıhı jańa kezeńge bastaǵan «Táýelsizdik dáýiri» kitabynda da solaı. О́z tarıhynda tuńǵysh táýelsiz el bolyp Qazaqstannyń qasqa joly qalaı qalyptasty, álemdik órkenıettiń aınalymyna erkin enip, tanyldy, soǵan jetý jolyndaǵy shırek ǵasyrlyq ǵana ýaqyt ishinde ulttyq tutastyq turǵydaǵy tórtkúl dúnıege aıan salıqaly saıası pármen, ekonomıkalyq serpilis, jasampaz áreketterdiń jıyntyǵy ispettes bul eńbek.
Tarıhty, eń áýeli jasaıtyn ıdeıalar desek, bizdiń Elbasymyzdyń kemel aqyl-oıy, bastaǵan isin aıaǵyna deıin kórip otyratyn dara qasıeti túptep kelgende memleket qurýdyń, ony jedel damytýdyń, ózgelerdi sózsiz moıyndatýdyń, Máńgilik Elge bara jatqan jolymyzdyń máńgilik mektebi bolyp shyǵady. Solaı eken, biz zamanymyzdyń álemge aıan tarıhı dara tulǵasynyń, ol sanamyzǵa ornyqtyrǵan beıbitshilikti, qaıta túlegen dástúrdi, buryn-sońdy bolmaǵan zııatkerlik órleýdiń qadirine jetýdi ózimizben qosa, keler urpaqtarymyzǵa eń aıaýly amanat etip otyrýdy paryz sanaý adamdyq, azamattyq mindetimiz.
Nesipbek Dáýtaıuly, jazýshy, Qazaqstannyń eńbek sińirgen qaıratkeri Jambyl oblysy