5 mamyr kúni qazaqstandyq Gennadıı Golovkın men meksıkalyq Saýl "Kanelo" Alvares arasyndaǵy kezekti jekpe-jek ótedi, dep habarlady Búkilálemdik boks keńesi.
Boks áleminde kezekti kópshilik kútken jekpe-jek AQSh-tyń Las-Vegastaǵy T-Mobile Arena nemese Nıý-Iork qalasynda Madison Square Garden arenasynda ótýi múmkin dep josparlanyp otyr.
Golovkın men Alvares arasyndaǵy jekpe-jek ótken jyldyń 16 qyrkúıek kúni Las-Vegastaǵy (AQSh) T-Mobile arenasynda ótken. Tóreshiler jekpe-jekti teń dep aıaqtap, Gennadıı Golovkın orta salmaqtaǵy WBC, WBA (Super) IBF jáne IBO chempıondyq ataqtaryn qorǵap qaldy.