Búgin Ońtústik Qazaqstan oblysynyń ákimi Janseıit Túımebaev Qazaqstan musylmandary dinı basqarmasynyń tóraǵasy, Bas múftı Serikbaı qajy Satybaldyulymen kezdesti6 dep habarlady OQO ákiminiń baspasóz qyzmeti7
Júzdesý barysynda qos tarap qoǵamda qalyptasqan dinı kelisim men ultaralyq tatýlyqty odan ári nyǵaıta túsý, din qyzmetkerleriniń bilimi men tájirıbesin shyńdaý, jat aǵymnyń arbaýynda ketken jastardyń dástúrli dinimizge oralýyna jan-jaqty yqpal etý jaıynda ózara pikir almasty.
Oblysta dinı ahýaldyń turaqty ekenin aıtqan aımaq basshysy Elbasynyń sarabdal saıasatynyń nátıjesinde búginde elimiz álemge yntymaq pen birligi jarasqan, kóp konfessııaly memleket retinde tanylyp otyrǵanyn jetkizdi.
«Búgingi tańda oblysta 11 konfessııaǵa kiretin 60 dinı birlestik jumys isteıdi. Qazaqy qaımaǵy buzylmaǵan Ońtústik óńirde dini bólek bolsa da tilegi bir túrli etnos ókilderi tatýlyq pen birlikte ómir súrip keledi» - dedi oblys ákimi.
О́z kezeginde bas múftı dinı bilim berý máselesine toqtalyp, jastarǵa rýhanı-ónegeli tárbıe berýdiń mańyzdylyǵyn aıtty. Sonymen birge musylmandardyń rýhanı qajettilikterin barynsha qanaǵattandyryp, qoǵammen birlesip jumys isteý qajettigin sóz etti.