Qazaqstandyq ánshi Dımash Qudaıbergendi Aqtóbedegi HQKO-daǵylar gúlmen qarsy aldy. "Azamattarǵa arnalǵan úkimet" memlekettik korporasııasynyń qoǵammen baılanys departamentiniń dırektory Murat Jumanbaı sýretterdi Facebook jelisinde jarııalady.
"Búgin Aqtóbedegi №1 HQKO-daǵy qyzý jumys kúniniń yrǵaǵyn álemdik deńgeıdegi juldyz Dımash Qudaıbergen buzdy. Ortalyqqa kelýshiler men qyzmetkerler qoltańba alyp, ataqty jerlesterimen estelik sýretterge tústi", - dep jazdy Jumanbaı. Onyń habarlaýynsha, Dımash HQKO-ǵa shetelge shyǵý tólqujatyn rásimdeý úshin barǵan.
Buǵan deıin Dımash Qudaıbergenniń Qytaıdyń Fýchjoý qalasynda ótkizgen jeke konsertinen keıin elge oralǵany habarlanǵan bolatyn.