2017 jyly Ulttyq qorǵa 2 trln teńgeden astam tólemder tústi, dep habarlaıdy LS saıty.
2016 jylǵy kórsetkishpen salystyrǵanda (1,1 trln teńge) bul kórsetkish 78,6% ósti. Atyraý oblysy ulttyq qorǵa - 1,1 trıllıon teńge jiberse, Mańǵystaý oblysy - 388,2 mlrd, Batys Qazaqstan oblysy - 269 mlrd, Qyzylorda oblysy - 100 mlrd, Almaty oblysy - 335 mln, Jambyl oblysy - 19,6 mln, Ońtústik Qazaqstan oblysy - 8 mlrd, Aqmola oblysy - 7,1 mln, Qostanaı oblysy - 3,4 mln, Qaraǵandy oblysy - 4,3 mln, Pavlodar oblysy - 1,6 mln jáne Aqtóbe oblysy - 116,7 mlrd teńge qosty. Al Almaty qalasynyń ózinen 9 mlrd teńge bolsa, Shyǵys Qazaqstan oblysynan 3,7 mlrd teńge ulttyq qorǵa tústi.
Sonymen qatar Soltústik Qazaqstan oblysynan eshqandaı tólem jasalmaǵanymen, Astanadan túsetin túsim 6,6 mıllıard teńgeni qurady. Ulttyq qorǵa eń kóp tólemin salǵan - munaı sektory uıymdary (782,8 mlrd), onyń ishinde; munaı salasynyń uıymdarynan paıdaly qazbalardy óndirý salyǵy (626,3 mlrd teńge), munaı sektory uıymdarynyń jasaǵan kelisimsharttary boıynsha ónimderdegi Qazaqstannyń úlesine (285,9 mlrd) jáne munaı sektory kásiporyndarynan eksporttalatyn shıki munaıǵa, gaz kondensatyna jaldaý salyǵy bar (250,4 mlrd). Budan basqa, munaı sektoryndaǵy kompanııalardyń ústeme paıdasyna salyq retinde 50,6 mlrd teńge qosyldy.