Elbasynyń jańa kitabynyń tusaýkeseri

Oblystyq ákimdikte Qazaq­stan Respýblıkasynyń Prezıdenti Nursultan Nazarbaevtyń «HHI ǵasyrdaǵy turaqty da­mý­dyń ǵalamdyq energo­eko­lo­gııa­lyq strategııasy» atty kita­by­nyń tusaýkeseri ótti. Jıyndy oblys ákimi Serik Bilálov ashyp, Táýelsizdigimizdiń 20 jyly ishinde el ekono­mı­ka­sy­nyń órkendep, áleýmettik ja­ǵynan kemeldengenin, mundaı jetistikterge álemdik deń­geı­degi saıasatker Nursultan Ábish­­ulynyń bastaýymen jetkenimizdi aıta kelip, týyn­dynyń ma­ńyzdylyǵyn atap kórsetti. Reseı Memlekettik qyzmet akademııasynyń professory, Soltústik Qazaqstan obly­sy­nyń qurmetti azamaty Anatolıı Spısyn Prezıdentti erteden biletinin, kóp jyldar qyz­met­tes bolǵanyn, eki tomdyq tań­damaly jınaǵyn Máskeýde shy­ǵarǵanyn tilge tıek ete kelip, adamzatty erekshe alańdatyp, tolǵantyp otyrǵan ǵalamdyq problemalardyń kitapta naqty kórinis tapqanyn jetkizdi. «Qa­zaqstan joly», «Daǵdarystyń kilti», «Naryq jáne áleý­met­tik-ekologııalyq damý», taǵy basqa maqalalar taldaý ereksheligimen, jańa kózqaraspen erekshelenedi. Nursultan Ábishuly bıyl BUU Bas Assambleıa­sy­nyń sessııasynda sóılegen só­zin­de álemdik qoǵamdastyqty ǵa­lamdyq energoekologııa máse­le­lerin birlese sheshýge sha­qyr­ǵan usynystaryn 25 eldiń ǵa­lymdary qoldaǵan bolatyn, dedi ol. Ulttyq ǵylym akade­mııasy­nyń akademıgi Nuraly Bektur­ǵa­nov kitapta aıtylǵan qundy oı-pikirlerdiń kelesi jyly ót­kiziletin turaqty damý jónin­degi sammıtte maquldanyp, ha­lyq­aralyq deńgeıde baǵdar­la­ma qabyldanatynyna senim bildirdi. M.Qozybaev atyndaǵy Sol­tús­tik Qazaqstan memlekettik ýnıversıtetinde N.­Nazar­­baev­tyń «HHI ǵasyrdaǵy turaqty damýdyń ǵalamdyq energo­eko­lo­gııalyq strategııasy» kitaby boıynsha ǵylymı-teorııalyq kon­­ferensııa uıymdastyryldy. О́mir ESQALI, Soltústik Qazaqstan oblysy.