Parlamenttiń jańarýy – ýaqyt talaby

Keshe Aqordada Memleket basshysy Nursultan Nazarbaev Premer-Mınıstr Kárim Másimovpen, Parlament Sena­tynyń Tóraǵasy Qaırat Mámımen, Parlament Májilisiniń Tóraǵasy Oral Muhamedjanovpen kezdesip, Qazaqstan Respýblıkasy Parlamentiniń Májilisin taratý jáne kezekten tys saılaý ótkizý týraly Májilistiń 53 depýtatynyń úndeýi Prezıdenttiń atyna kelip túsýine baılanysty konsýltasııa ótkizdi. Kezdesýge sondaı-aq Prezıdent Ákimshiliginiń Basshysy Aslan Mýsın qatysty. О́z sózderinde Premer-Mınıstr men Parlament palata­la­ry­nyń tóraǵalary Parla­ment­tiń tómengi palatasynyń Májilisti taratý jáne kezekten tys saılaý ótkizý týraly usynysyn qoldady. Memleket basshysy depýtattar óz úndeýin birneshe fak­tor­larǵa negizdegenin atap ótti. Birinshiden, Konstıtýsııaǵa engizilgen ózgeristerge sáıkes Má­ji­lis­te keminde eki saıası par­tııa bo­lýy tıis. Bul úshin saıası júıede reforma júr­gizildi. Alǵash ret Ortalyq Azııada depýtattardy partııa­lyq tizim boıynsha saılaý engizildi. Prezıdent Qazaq­stan­nyń saıasatynyń damýynda demo­kratııalyq vektor dáıektilikpen iske asyrylýy kerektigine toq­tal­dy. Ekinshiden, Qazaqstan 2008-2009 jyldary kúrdeli álem­dik daǵdarystyń áserin bastan keshirdi. Elder men kúlli álem odan endi ǵana shyǵyp keledi, al bul kezde álem­dik ekonomıka áli de kúshti qubylmaly kúıde qalyp otyr. – Biz Eýropada ne bolyp jat­­qanyn, G-20 kezdesýinde qan­daı máseleler talqylan­ǵa­nyn qada­ǵa­lap otyrmyz. Eko­nomıka tu­raq­­tandy dep aıtýǵa áli erte. Eýropalyq Odaqtaǵy oqıǵalar bizge de tikeleı yq­pal etýde. Eýropa memleketteri Qazaqstannyń tek mańyzdy seriktesi ǵana emes, sonymen birge bizdiń taýar­la­ry­myz úshin ınvestor ári rynok. Biz oqı­ǵa­lardyń damýynyń barlyq yq­tımal nusqalaryna daıyn­da­lýda­myz. О́tken daǵdarysty biz abyroımen eńserdik. Qazaq­stan­da daǵdarysty eńserý jó­ninde eń úzdik baǵdarlamanyń biri júzege asyryldy, – dep atap kórsetti Memleket bas­shysy. Prezıdent Májilistiń aǵym­­da­ǵy shaqyrylymynyń ju­mys kezeńi aýqymdy álemdik daǵda­rys­qa tuspa-tus kelgenine, ju­mys jedel júrgizil­genine, qajet­ti sheshimder tez qabyl­dan­ǵa­ny­na, alaıda zań­dar­dyń sapasyna zııan kelmegenine, saılaý ótkenshe Senat Má­jilistiń fýnksııalaryn at­qaratynyna toqtalyp ótti. Memleket basshysy qoǵam kóp partııalyq Parlamentti qajet etip otyrǵanyn atap kór­setti. Par­lamenttiń ja­ńarýy elde júr­gizilip jatqan aýqymdy jań­ǵy­r­tý­lar úshin qajet. Budan basqa, eger kelesi daǵdarys saılaý naý­qanyna sáıkes keletin bolsa, onda el basshylyǵynyń, Úkimettiń jáne bul másele boıynsha óńir­ler­diń jumysy qıyndaıdy. Depýtattardan sondaı-aq Májilis pen jergilikti ókildik organy – máslıhattar saılaýyn birge ótkizý týraly usynystar tú­sýde. – Atalǵan másele boıynsha sizderdiń ustanymdaryńyzdy eskere otyryp, men Májilisti taratý jáne saılaý ótkizý týraly Jarlyq jobasyn qarastyramyn, – dedi Memleket basshysy. О́mir ESQALI, Sýretti túsirgender S.BONDARENKO, B.OTARBAEV.