Semeıdegi Dostyq úıinde, qoǵamdyq uıymdar men eńbek ujymdarynda Elbasy Nursultan Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» taqyrybynda dóńgelek ústelder, jıyndar qyzý túrde ótýde.
Sondaı mańyzdy bas qosýlardyń birinde Semeıdegi analar keńesiniń tóraıymy Naǵıma Moıynbaeva Prezıdent aıtqan úzdiksiz bilim alý júıesi týraly qajettilikke qoǵam endi ǵana bet alǵandyǵyn mysalǵa keltirdi.
– Qazaqstanda jastar, balalar ǵana emes, eresekter de oqýy qajet, - dedi Naǵıma Moıynbaeva, - bul aǵylshyn tilin bilýdiń qajettiligine arnalyp otyr. Men sondyqtan da Elbasymyzdyń Joldaýynda aıtylǵan barlyq usynystary qoldaımyn.
Shyǵys Qazaqstan oblystyq «Vozrojdenıe» nemis qoǵamdyq birlestiginiń tóraıymy Lılııa Goncharýk te Semeıde turyp jatqan ulttar men ulystardyń birligi jaıly erekshe toqtalyp ótti.
– Prezıdent aıtyp ótkendeı, ınvestorlar úshin óz kásipterin dóńgelete júrgizýge jaıly, tıimdi qala kerek, - dedi Lılııa Goncharýk, - bizdiń Semeı «aqyldy qala» bolyp, osy jerge iri-iri bıznes ókilderin jınaı alsa, qandaı jaqsy bolar edi?! Osynyń ózi Semeıdiń damýyna, ilgerileýine múmkindik jasar edi. Alda Semeıdiń 300 jyldyǵy, Astanamyzdyń 20 jyldyǵy kele jatyr. Osylardyń barlyǵyn tolaıym tabystarmen qarsy alý bizdiń paryzymyz.
Raýshan Nuǵmanbekova
Sýret avtordyki.
Semeı