Shalǵaıdaǵy Úrjar aýdanynyń turǵyndary el Táýelsizdiginiń 20 jyldyǵyn laıyqty tartýmen qarsy alýda. Jaqynda óńir basshysy B.Saparbaev atalmysh aýdanda bolǵan kezde birqatar áleýmettik mańyzdy ǵımarattardyń ashylýyna qatysty. Qytaımen shekaralas Baqty aýylynda «Jol kartasy» boıynsha salynǵan eki qabatty dárigerlik ambýlatorııaǵa 20 mıllıon teńge qarjy jumsalypty. B.Saparbaev mekeme basshysyna «ÝAZ» avtokóliginiń kiltin tapsyrdy.
Sol kúni aımaq basshysy táýelsizdiktiń 20 jyldyǵyna arnalǵan Táýelsizdik alańy jáne «Balaýsa» balabaqshasyn saltanatty jaǵdaıda ashty. Al Naýaly aýylynda Táýelsizdik merekesi qarsańynda 320 oryndyq mektep paıdalanýǵa beriledi.
Ońdasyn ELÝBAI,
Shyǵys Qazaqstan oblysy.