“Ordabasy” – Qazaqstan kýbogynyń jeńimpazy

Maýsym basynda ala-qula oınap, jan­kúıer­le­riniń mazasyn maı ishkendeı qashyrǵan “Orda­basy” fýtbol klýby qarashada qarqynyn kúsheıtti. Jar­tylaı fınalda «Tarazdy» óz alańyńda 3:0 esebimen utqan Ońtústik oǵlandary Qazaqstan kýbogynyń bıylǵy ıesin anyqtaý úshin Qostanaıdyń “Toby­lymen” kúsh synasqan bolatyn. Almatydaǵy Ortalyq stadıonda ótken kezde­sýdiń 40-shy mınótinde Muhtar Muhtarov soqqan gol oıyn­nyń taǵdyryn sheshti. Bul kýbok – fýtbol klýbynyń eń úlken jeńisi. Jeńimpazdarǵa oblys ákimi Asqar Myrzahmetov laıyqty qurmet kórsetti. Baqtııar TAIJAN. Ońtústik Qazaqstan oblysy.