«Egemen Qazaqstan» RG» AQ Basqarma tóraǵasy Darhan Qydyráli The New York Times gazetiniń jumysymen tanysyp, bolashaqta áriptestik baılanystar ornatýdyń joldaryn talqylady.
«Búgin álemdegi eń bedeldi basylymnyń biri The New York Times gazetinde boldyq. Jýrnalıstermen kezdesip, pikir almastyq. Gazet jumysymen tanysyp, bolashaqta baılanystar ornatýdyń joldaryn talqyladyq», dep habarlady basqarma tóraǵasy Darhan Qydyráli.
1851 jyldan beri úzbeı jaryq kórip kele jatqan amerıkalyq bedeldi basylym áýeli aımaqqa ǵana taraldy. Ýaqyt óte kele álemde eń kóp oqylatyn yqpaldy gazetterdiń biri atandy. Jahandyq ózgeristerge tez beıimdelgen basylym ınternetke de erkin ıkemdelip, oqyrman aýdıtorııasyn keńeıte tústi. Qazirgi kezde onyń ınternettegi nusqasy aıyna 30 mıllıon adam qaraıtyn eń tanymal jańalyqtar saıtyna aınalyp otyr.
Aqparat aıdynynda senimdi derek kózi bolýǵa umtylǵan gazettiń búginde álemniń kóptegen elinde ókildikteri bar.