Qazaqstan Respýblıkasy Parlamenti Senatynyń Tóraǵasy Q.Toqaev Qazaqstan Respýblıkasynyń Prezıdenti Nursultan Nazarbaevtyń AQSh-qa sapary týraly óziniń tvıtterde jarııalanǵan jazbasynda «Prezıdent N.Nazarbaevtyń Aq úıdegi kelissózderi ekijaqty yntymaqtastyqty damytý jáne halyqaralyq jaǵdaı jónindegi Qazaqstan men AQSh kózqarastarynyń uqsastyǵyn kórsetti. Tramp Qazaqstannyń Koreı túbegin ıadrolyq qarýsyzdandyrý jónindegi áriptesi ekenin aıtty. Sapardyń tarıhı mańyzy asa zor!» dep jazdy.
Sondaı-aq Joǵarǵy palatanyń Tóraǵasy «Vashıngton Prezıdent N.Nazarbaevty jyly shyraımen qabyldady jáne D.Tramp onyń «zor qurmetke ıe kóshbasshy» ekenin aıtty. О́z elinde de, halyqaralyq qoǵamdastyqta da eńbek sińirgen Qazaqstan kóshbasshysyna laıyqty baǵa berildi» dep atap ótti delingen Qazaqstan Respýblıkasy Parlamenti Senatynyń baspasóz qyzmetiniń málimdemesinde.