Jemqorlyqqa jol bermeıik

Astanada Bilim jáne ǵylym mınıstrliginiń keńeıtilgen alqa májilisi bolyp, onda bilim berý júıesindegi sybaılas jemqor­lyq­qa qarsy zańnamany saqtaý jáne sybaılas jemqorlyq sıpa­tyn­daǵy quqyq buzýshylyqtyń aldyn alý, 2011 jylǵy UBT-nyń qorytyndysy, elektrondyq ki­tap­hanalardyń qyzmeti jáne olardy damytýdyń perspektıvalyq ba­ǵyt­tary talqylandy. Alqa otyrysyna Qazaqstan Res­pýblıkasy Prezıdenti Ákim­shi­ligi Basshysynyń orynbasary Baǵlan Maılybaev, Parlament de­pýtattary, oblystardyń, Astana jáne Almaty qalalary ákim­deriniń orynbasarlary, joǵary oqý oryndarynyń, kásiptik kolledjder men lıseılerdiń bas­shy­lary qatysty. Bilim jáne ǵylym mınıstri Ba­qytjan Jumaǵulovtyń bas­shy­lyǵymen ótken basqosýda mı­nıs­trliktiń jaýapty hatshysy Bolatbek Ábdirásilovtiń «Qazaqstan Res­pýblıkasynyń bilim berý jú­ıe­sinde sybaılas jemqorlyqqa qar­sy zańnamany saqtaý jáne sy­baılas jemqorlyq sıpatyndaǵy quqyq buzýshylyqtyń aldyn alý jónindegi sharalar týraly» baıan­da­masy tyńdalyp, oqý orynda­rynda oryn alyp otyrǵan jem­qor­lyq pen korrýpsııanyń aldyn alý máseleleri jan-jaqty sóz boldy. Sondaı-aq basqosý aıasynda ót­­­ken seksııalarda ǵylym jáne ǵylymı-tehnıkalyq qyzmetter sa­lasyndaǵy normatıvtik-qu­qyq­tyq bazany jetildirý, Elbasynyń Qazaqstan halqyna Joldaýynyń negizgi erejelerin iske asyrý aıa­syndaǵy orta jáne kásiptik bilim berý júıesiniń, joǵary bilim berýdi jáne jastar saıasatyn damy­tý­­dyń ózekti máseleleri talqy­la­n­­dy. Berik SADYR.