Oblys ortalyǵyna qarasty Kenjekól aýyly mańynda, «Qaraǵandy - О́skemen» baǵytyndaǵy jolaýshylar avtobýsy 22-qańtar kúni jolda turyp qaldy.
Jergilikti Tótenshe jaǵdaılar departamentiniń habarynsha, azamattyq qorǵanys bólimi men oblys ákimdigi de birlesip qatty aıaz saldarynan jolda qalǵan 25 jolaýshyny mektepke ornalastyrdy. Barlyǵy ystyq tamaqpen jáne jatatyn orynmen qamtamasyz etildi. Jolaýshylarǵa О́skemenge jetý úshin poıyzǵa bıletter satyp alyp berdi. Avtobýs jóndeý jumystaryn júrgizý úshin jyly orynǵa jetkizildi.
Oblystyq TJD habarynsha, Reseıge jarysqa barǵan jergilikti «Ertis» balalar hokkeı komandasy da jolda qalǵan. Qatty aıazda avtobýs isten shyqqan. Komanda músheleri Altaı ólkesindegi Stepnoe aýylynda jataqhanaǵa ornalasady. Keshe 22-shi qańtar kúni bizdiń jergilikti hokkeıshi balalar da aman-esen óńirdiń polısııa qyzmeti men tótenshe jaǵdaılar basqarmasynyń kómegimen úılerine oraldy.
Farıda BYQAI, «Egemen Qazaqstan»