Qazaqstan TMD elderi boıynsha áýe tasymaly kórsetkishinen ekinshi orynda tur. Bul týraly azernews.az habarlady. Investısııalar jáne damý mınıstri Jeńis Qasymbektiń aıtýynsha, Qazaqstan álemdik avıasııalyq naryqtyń tolyq múshesi sanalady.
«2016 jyly Azamattyq avıasııanyń halyqaralyq uıymy qaýipsizdik sharalaryn tekserip, Qazaqstan halyqaralyq talaptardyń 74 prosentine saı ekenin aıtty. Búginde biz TMD elderi ishinde osy kórsetkish boıynsha ekinshi, uıymǵa múshe memleketter ishinde 73-oryndamyz. Biz 2020 jylǵa qaraı bul kórsetkishti 80 prosentke jetkizýdi josparlap otyrmyz», - dedi mınıstr. Onyń aıtýynsha, byltyrǵy jyldyń qoryntyndysy boıynsha Qazaqstanda áýe tasymaly 21 prosentke artqan. «Bul táýelsizdik alǵan jyldar ishindegi úzdik nátıje. Oǵan EKSPO-nyń da áseri zor. Qazaqstan arqyly tranzıt te 30 prosentke artty», - dedi ol.
Jeńis Qasymbektiń aıtýynsha, mınıstrlik respýblıka arqyly tranzıtpen ótetin jolaýshylardy 2020 jylǵa deıin 1,6 mln adamǵa arttyrýdy kózdep otyr.
Investısııalar jáne damý mınıstrliginiń Azamattyq avıasııa komıteti 2018 jyly Qazaqstan jańa halyqaralyq reıster ashatynyn aıtty. Sonymen qatar 2018 jyly komıtet áýe transporty mekemelerine áýe tasymaly qaýipsizdigin arttyrý úshin 59 sertıfıkasııa, 434 ınspeksııa júrgizbek. Bul áýe tasymalynyń qaýipsizdigin qamtamas
Bir aıta keterligi, 2017 jyly Qazaqstanda 10 jańa halyqaralyq áýe marshrýty ashyldy.