Nursultan Nazarbaev О́zbekstan Respýblıkasynyń Prezıdenti Shavkat Mırzııoevpen telefon arqyly sóılesti, dep habarlaıdy Aqordanyń baspasóz qyzmeti.
Áńgimelesý barysynda Qazaqstan Prezıdenti bıylǵy 18 qańtarda Aqtóbe oblysynda jolaýshylar avtobýsynyń órtenýi saldarynan О́zbekstan azamattarynyń qaıǵyly qazaǵa ushyraýyna baılanysty Shavkat Mırzııoevke kóńil aıtty.
Memleketter basshylary ekijaqty yntymaqtastyqtyń jaǵdaıy men perspektıvasyn talqylap, kún tártibindegi óńirlik jáne halyqaralyq ózekti máseleler jóninde pikir almasty.
Sońynda taraptar aldaǵy kezdesýler kestesin qarastyrdy.