Qyrǵyz Respýblıkasynyń Talas oblysyndaǵy Talas qalasynda Qazaqstannyń Qurmetti konsýldyǵy keńsesiniń resmı ashylýy ótti.
Saltanatty rásimge Qazaqstan Respýblıkasynyń Qyrǵyz Respýblıkasyndaǵy elshisi Aıymdos Bozjigitov, Qazaqstannyń Talas oblysyndaǵy qurmetti konsýly Sabyrbek Jumabekov, Qyrǵyzstan Úkimetiniń ókiletti ókili – Talas oblysynyń gýbernatory Marat Muratalıev qatysty.
Qyrǵyzstannyń Syrtqy ister mınıstrligi S.Jumabekovke ony Qazaqstannyń Talas oblysyndaǵy qurmetti konsýly dep taný týraly ekzekvatýrany 2014 jylǵy jeltoqsanda tabys etken bolatyn.
S.Jumabekov qazirgi kezde Qyrǵyzstannyń Travmatologııa jáne ortopedııa ǵylymı-zertteý ortalyǵyna basshylyq etedi. Qurmetti konsýldyń jumysy Talas oblysynyń barlyq aýmaǵyn qamtıdy.
«Egemen-aqparat»