Sary aýrýǵa salǵyrt qaraýǵa bolmaıdy

«Biz Shyǵys Qazaqstan oblysynyń, Úrjar aýdanyndaǵy arýhanada bolyp, Sholpan aýylyndaǵy jaǵdaımen tanystyq. Oqıǵaǵa qatysty tolyq tekserý júrgizip, barlyq qu­jat­tardy qaradyq. Osy oraıda 19 oqı­ǵany jasyrý jaǵdaıy anyqtaldy, ıaǵ­nı derttiń jeńil formalary belgili bol­dy.

Sanıtarlyq erejeler boıynsha naýqasty ambýlatorlyq jaǵdaıda, ıaǵ­nı úıde emdeýge jol beriledi. Biraq min­det­ti túrde Qoǵamdyq densaýlyq saqtaý ko­mıtetiniń aýmaqtyq organdaryna habar berilýi tıis. Sol kezde tıisti sharalar qoldanylady. Bul rette qyrkúıek aıynda birinshi oqıǵa tirkelgen kezde dárigerlik ambýlatorııada dáriger bolmaǵan. Kómek kórsetý tek orta medı­sı­nalyq qyzmetkerler tarapynan ǵana ja­sal­ǵan. Qazan aıynyń basynda bul nysanǵa dáriger kelgen. Ol – jas maman, ıaǵnı 2017 jyldyń túlegi», dedi J.Bekshın.

Sonymen qatar ol tekserý barysynda naýqastar dári-dármekti ózderi satyp alǵany belgili bolǵanyn jetkizdi.

«12 oqıǵa boıynsha naýqastar aýrýhanaǵa kólikpen ózderiniń esebinen jetkizilgen. Árqaısysy tasymaldaý sha­ralaryna 5 myń teńge tólegen. Bul óz kezeginde talaptardy óreskel buzý fak­­ti­lerine kiredi. Anyqtalǵan osy kem­shi­­likterdiń barlyǵy oblys ákimdigine ha­­barlanyp, kináliler ákimshilik yqpal etý turǵysynda jazaǵa tartylady», dedi Jan­­darbek Bekshın.

Densaýlyq saqtaý mınıstrliginiń Qoǵamdyq densaýlyq saqtaý komıteti tór­aǵasynyń sózinshe, Shyǵys Qazaqstan ob­lysy men Qaraǵandy qalasynda oryn alǵan oqıǵalardyń bir-birimen esh­qan­daı baılanysy joq. Sondaı-aq ol Qazaqstanda bul aýrýdyń burynǵyǵa qara­ǵan­da anaǵurlym azaıǵanyn alǵa tart­ty. 

«Men 1999 jyly elimizde 34 myńnan astam sary aýrý oqıǵasy tirkelgenin bilemin. 2000 jyly 23,5 myń, ótken jyly 783 jaǵdaı tirkeldi. Balalarǵa 2 jasynan bastap jasaǵan ekpeniń arqasynda 17 jyl boıy ge­patıttiń jıiligi 39 esege tómendedi», dedi Jandarbek Bekshın.

Bas sanıtarlyq dárigerdiń aıtýynsha, ótken jyly ShQO-da sary aýrýdyń 75 oqıǵasy tirkelgen. 

«Osy kórsetkishten tómendeý aıqyn ańǵarylady. Ásirese 2009-2010 jyldary tómendeı bastady, sebebi ekpe nətıje bere bastady. Jáne V gepatıtiniń vaksınasııadan keıingi jıiligi 69 esege azaıdy», dep atap ótti ol.

Raýan QAIDAR, «Egemen Qazaqstan»