Eger eldiń esinde bolsa, 2000 jyly Qazaqstan, Ulybrıtanııa men AQSh-tyń arnaýly qyzmeti halyqaralyq aýqymda aýyr kıberqylmys jasady dep, jerlesterimiz Oleg Zezev pen onyń zańgeri Igor Iаrımakty Londonda tutqyndaǵan bolatyn. Bul oqıǵany kóziqaraqty oqyrman umytpaǵan da bolar. О́ıtkeni bul sol kezde eń atyshýly «hakerlik is» retinde qaraldy.
Endi eki jyldan beri sol shyrǵalańdy ekrandaýǵa baılanysty júrip jatqan halyqaralyq kınojobanyń nátıjesinde «Aıdyń arǵy beti» atty fılm túsirilmek.
Jańa jobaǵa baılanysty ótken baspasóz máslıhatynda «Aıdyń arǵy beti» kitabynyń avtory, zańger Igor Iаrımak pen kınoprodıýser Sáken Belgibaev kartına sátimen túsirilip, álemdik prokatqa shyqsa, Eýropanyń eki memleketinen-aq fılmge ketken 10 mıllıon eýro qaıtatynyna senimdi ekendikterin málimdedi. Berlın, Rotterdam kınofestıvalderiniń jetekshileri de bul kıno-ıdeıanyń tabysty bolatynyna oń pikir bildirgen.
Eske sala keteıik, búkilálemdik BAQ jarysa jazǵan bul atyshýly oqıǵa 2000 jyldyń 24 mamyrynda qazaqstandyq haker Oleg Zezev Bloomberg Financial News qarjylyq júıesi men Nıý-Iork meri Maıkl Blýmbergtiń jeke poshtasyna buzyp kirgen kezde bastaldy. Bul «hakerler isine» qatysty búkil álemdi dúrliktirgen oqıǵaǵa aınaldy. Nátıjesinde, Oleg Zezev tórt jylǵa sottaldy. Zańger Igor Iаrımak Londondaǵy Brıkston túrmesinde eki jylyn jáne Nıý-Iorktegi amerıkalyq federaldyq túrmede bir jylyn tutqynda ótkizýge májbúr boldy. Búkil osy ýaqyt boıy ol óziniń aıypsyz ekendigin dáleldeýmen boldy, aqyrynda 2003 jyly oǵan taǵylǵan búkil aıyp alynyp tastaldy.
Fılm Igor Iаrımaktyń osy shynaıy oqıǵalarǵa qatysty jazǵan «Aıdyń arǵy beti» atty bestselleriniń negizinde túsiriledi. Kitapqa jáne fılmge qatysty patent pen avtorlyq quqyq bar. Atalmysh kıno Qazaqstan, AQSh, Irlandııa, Ispanııa, Shotlandııa jáne Anglııada túsiriledi dep josparlanyp otyr.
Aınash ESALI, «Egemen Qazaqstan»
ALMATY