Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Básekege qabilettilik jónindegi saraptama keńesiniń otyrysy ótti, - dep habarlaıdy primeminister.kz.
Otyrys barysynda memlekettik-jekeshelik áriptestik negizinde turǵyn úı-kommýnaldyq ınfraqurylymdy jańǵyrtý jáne Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda qoıylǵan mindetterdi oryndaý turǵysynan qazaqstandyq munaı servısiniń básekege qabilettiligin arttyrý máseleleri talqylandy.
Kún tártibi boıynsha BI Group holdınginiń dırektorlar keńesiniń tóraǵasy A. Rahymbaev, Centrasia Group dırektorlar keńesiniń tóraǵasy A. Qudaıbergen jáne «Sentras» kompanııalar tobynyń bas dırektory E. Ábdirazaqov baıandama jasady.
Talqylaýǵa QR Premer-Mınıstriniń orynbasary A. Jumaǵalıev, energetıka mınıstri Q. Bozymbaev, aqparat jáne kommýnıkasııalar vıse-mınıstri Q. Balyqbaev, ulttyq ekonomıka vıse-mınıstri S. Jumanǵarın, «Atameken» UKP basqarma tóraǵasy A. Myrzahmetov, «AllurAuto Group» AQ dırektorlar keńesiniń tóraǵasy A. Lavrentev jáne basqalary qatysty.