О́rtten 33 adam qaza taýyp, ondaǵan adam zardap shekti. 200-ge jýyq naýqas qutqarylyp, qaýipsiz jerge kóshirildi.
Mamandardyń aıtýy boıynsha, órt kardıologııaǵa mamandanǵan Sejong aýrýhanasynyń jedel járdem bólmesinde bastalǵan bolýy múmkin.
Bul Ońtústik Koreıadaǵy sońǵy on ishinde kóp adamnyń ólimine sebep bolǵan oqıǵa jáne zardap shekken adamdar budan da kóp bolýy múmkin. «Ionhap» aqparattyq agenttiginiń habarlaýynsha, zardap shekkenderdiń kóbi aýyr jaǵdaıda, olar ýly tútinge ýlanǵan.
О́rt sóndirýshi Choı Men-Vý jýrnalısterge órttiń naqty sebebi áli belgisiz ekenin aıtty. О́rt jergilikti ýaqyt boıynsha 07:30 shamasynda bastalyp (beısenbi, 22:30), 3 saǵatqa sozylǵan. Osy oqıǵaǵa baılanysty, Ońtústik Koreıa Prezıdenti Mýn Dje In órtpen kúresý joldaryn talqylaý úshin tótenshe kezdesý ótkizdi.
Mırıang Seýl qalasynyń ońtústik-shyǵysynda 270 shaqyrymdaı jerde ornalasqan. Bul aýrýhana 2008 jyldan beri jumys isteıdi. Aýrýhana 200-ge jýyq naýqasqa qyzmet kórsetýge arnalǵan, onda 35 medısına qyzmetkeri jumys isteıdi.
Aıta keteıik, osydan bir aıyn Ońtústik Koreıanyń Chechhon qalasynda jattyǵý zalynan órt shyǵyp, 29 adam qaıtys bolǵan bolatyn.