BUU Qaýipsizdik Keńesiniń tóraǵasy retinde Qazaqstan Taıaý Shyǵystaǵy jaǵdaı, onyń ishinde Palestına máselesi boıynsha ashyq pikirtalas ótkzdi, dep habarlady SIM.
Jıynda Taıaý Shyǵys boıynsha BUU Bas hatshysynyń arnaıy ókili Nıkolaı Mladenov óńirdegi jaǵdaı boıynsha sońǵy málimetter týraly, onyń ishinde Irak, Sırııa, Iemen, Palestına-Izraıl týraly tolyu málimet berdi. Ásirese, Palestına-Izraıl qarym-qatynasy erekshe nazarda boldy. Keńes músheleri eki memleket basshylaryna halyqaralyq kelisimge kelýge, Qaýipsizdik Keńes músheleri eki jaqqa aldyn ala shart qoımaı kelissózderdi qaıta jalǵastyrýǵa shaqyrdy.
Keńes músheleri eki memleket tikeleı kelissózder ótkizip, árqaısysy óz mindetterin oryndaý kerektigin aıtty. Sonymen qatar delegasııalar beıbit jaǵdaıdy turaqtandyrý úshin Palestına men Izraıldi ózara túsinistikke kelýge shaqyrdy.
Debatqa qatysqan memleketterdiń kópshiligi AQSh-tń BUU-nyń Palestınaǵa kómek kórsetýine beriletin qarjysyn qysqartqanyna alańdaýshylyq bildirdi, sebebi bul qarajat Taıaý Shyǵystaǵy bosqyndar shyǵynynyń 50 paıyzyn qamtıdy. Al onyń qysqarýy bosqyndardyń jaǵdaıyn qıyndatady.
Qazaqstannyń BUU janyndaǵy turaqty ókili Qaırat Omarov óz sózinde memleketimizdiń Izraıl-Palestına shıelenisiniń sheshilgenin qalaıtynyn jetkizdi. Sonymen qatar ol shıelenisti kúsheıtetin kez-kelgen áreketten aýlaq bolýǵa shaqyrdy.
Qazaqstandyq delegasııa 18 qańtar kúni Nursultan Nazarbaevtyń «Jappaı qyryp-joıatyn qarýdy taratpaý: senim sharalary» taqyryby boıynsha joǵary deńgeıdegi pikirtalasqa qatysqanyn atap ótti.