Bul týraly oblystyq ákimdikte Ońtústik Koreıadan kelgen mamandarmen ótken kezdesýde aıtyldy.
Pýsanda ornalasqan Dong-A ýnıversıtetiniń janyndaǵy aýrýhana dırektory Ho Dje Tak oblys ákimi Bolat Baqaýovpen oblys ortalyǵynan dıagnostıkalyq ortalyq ashý jónindegi josparlarymen bólisti.
Dıagnostıkalyq ortalyqqa oblys ortalyǵyndaǵy zamanýı úlgide salynǵan emhana ǵımaraty tańdaldy. Qazir taraptar ortalyqqa qajetti jaılardy satyp alý quqyǵynsyz senimgerlik basqarýǵa berý sharttaryn qarastyrýda.
Ákimdiktiń málimetinshe,ortalyqta ornalasýy tıis qural-jabdyqtyń jalpy quny 90 mıllıon teńge shamasynda. Bizdiń óńirdiń mindeti- medısınalyq tehnıkany jetkizip, jeńildikpen kedendik shyǵyndaryn tóleýi qajet.
Dáriger Ho Dje Taktyń aıtýynsha, tehnıkanyń bári qaptalyp, daıyn tur. Ortalyqta qyzmet etetein dárigerlerdiń biliktiligin arttyrý úshin pavlodarlyq mamandar Ońtústik Koreıaǵa barmaqshy.
- Memleket basshysy óńirlerge barlyq sala boıynsha, medısına da bar, ınvestısııa tartý mindetin qoıdy, - dedi oblys ákimi. – Ońtústik Koreıadaǵy medsına sandyq júıge kóshirilgeni belgili. Turǵyndar densaýlyǵy jaıly málimetterdi planshet arqyly biledi. Endi bizdiń óńirge de medısına salasynda sandyq júıeni engizý boıynsha da jańalyq engize alasyzdar dep oılaımyn,-dedi Bolat Baqaýov.
Farıda Byqaı,
«Egemen Qazaqstan»
Pavlodar