Ushaǵy bar aýyl

«Egemen Qazaqstannyń» arnaıy jobasy: Jasampazdyq jemisteri Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Pavlodar oblysyndaǵy Sharbaqty aýdanynyń Orlovka aýylynan fotoreportaj berilip otyr.  Oblystaǵy Orlovka dep atalatyn aýqatty turmysta ómir súrip jatqan bul aýyl Sharbaqty aýdanynda orna­las­qan. Aýylda ártúrli ult ókilderi turady. Al, osyndaǵy «Pobeda» dep atalatyn seriktestikti Aleksandr Polıakov basqara­dy. Bıyl sharýashylyq elimizde birinshi bo­lyp, aýylsharýashylyq jumys­taryna paı­da­laný­ǵa arnalǵan  SM-2 «Sıntal» mar­kaly eki oryndyq shaǵyn ushaq satyp aldy. Sharýashylyǵyńdy dóńgelentip, mol tabys taýyp, paıdasyn kórgen degen osy, aýyl úshin ushaq satyp alý da túk emes eken, ol da traktor, máshıne, kombaındar sekildi, aýylsharýashylyq tehnıka­lary­nyń biri retinde sharýashylyq jumys­taryna qaty­sa­dy. Seriktestikte 88 trak­tor,  61 kombaın, 70 máshıne bar. Sha­mamen 450 kılo júk kóteretin, saǵa­ty­na 160 shaqy­rym­dy alatyn jyldam­dyǵy bar, aı­nalasy 100 metr qarato­pyraqty jerden ushyp-qona alatyn Re­seı­diń  Rıazan qalasynda  shyǵa­ryl­ǵan S-2 «Sıntal» at­ty ushaǵy Alek­sandrǵa bir kórgennen-aq unapty. «Sın­taldyń» aýyl­sharýashylyq alqaptaryna shashatyn hı­mııa­l­yq suıyq­tyq quıatyn  125 lıtrlik qutysy bar jáne osy suıyq­tyq­ty shasha alatyn qondyrǵy ornatylǵan. Ushaqtyń baǵasy 10 mıllıon teńge. Árıne, ushaqty satyp almaı turyp, biz onyń  seriktestikke qandaı paıda ákele­ti­nin ábden eseptep aldyq. Al, qazir paıdasyn  kórýdemiz. Jalǵyz ǵana suıyqtyq shashý úshin emes, basqa da jumystarǵa paıda­laný­ǵa yńǵaıly, deıdi Aleksandr. Ushqysh Vıktor Devterov pen mehanık Sergeı Kalıaký bul jumystardyń barlyǵyn oıdaǵy­daı atqarady. Aleksandrdyń ózi de ushaqpen ushyp, búkil alqaptaryn bıikten qarap kórip shyǵýǵa múmkindik aldy. Negizgi baǵy­ty mal jáne egin ósirý bolyp keletin seriktestikte  aýyldyń 400-deı adamy jumys isteıdi. Bul kúnderi 37 myń gektar alqaby bar bolsa, onyń 25 myń gektaryna egin ósiredi. Bıdaıdyń elıtalyq 4-5 túri bar. Mal tuqymyn asyldandyrý jumystaryn qolǵa alýda. Mal soıatyn qasaphana ashyl­dy. Tonnalaǵan et pen sút kúndelikti oblys ortalyǵyna jiberiledi. Alyp astyqkep­tirgish jumys jasap tur. «Pobeda­lyq­tar» kúnbaǵys maıyn ózderi óndiredi. Jáne aýyldyń áleýmettik ómirine de Aleksandr kómektesedi. Seriktestik óz esebinde turǵan mádenıet úıin, balabaqshany aýylǵa tegin qaıtaryp berdi. «Aqbotada» búginde 50 búldirshin tárbıelenýde. Byltyr Orlovka aýylynda turatyn, seriktestikte ju­mys jasaıtyn Denıs pen Olganyń ot­basynda bolashaq aýyl ıelerindeı bolyp, Tatıana, Igor, Natalıa atty úshemder dúnıege keldi. Arnaıy betti daıyndaǵan «Egemen Qazaqstan» gazeti­niń Pavlodar oblysyndaǵy menshikti tilshisi Farıda BYQAI.