Elordada 3 adam qaza tapqan jol apaty keshe, 26 qańtar kúni saǵat 23:00-der shamasynda tirkelgen. Bul týraly Astana qalalyq IID baspasóz qyzmeti habarlady.
«VAZ-21705» avtokóliginiń júrgizýshisi Amman kóshesimen kele jatyp, kólik tizginine ıe bola almaı «Toyota Runner» markaly avtokólikpen soqtyǵysqan.
Jol-kólik oqıǵasy saldarynan «VAZ» kóliginiń eki jolaýshysy alǵan jaraqattarynan oqıǵa ornynda kóz jumǵan. Al sol kóliktegi taǵy bir jolaýshy aýrýhanada jan úzdi. «VAZ» ben «Toyota Runner» kólikteriniń júrgizýshileri ár túrli dene jaraqattarymen medısınalyq mekemege jetkizilgen», - delingen vedomstvonyń baspasóz qyzmeti.
Atalǵan oqıǵa sotqa deıinshi tergeý amaldarynyń biryńǵaı tizilimine QR QK 345-baby boıynsha tirkeldi.