Búgin, ıaǵnı 27 qańtar Kabýlda bolǵan teraktiniń saldarynan 95 adam qurban boldy, 163 adam túrli dene jaraqatyn aldy, dep habarlaıdy TASS.
Bul málimetterdi Aýǵanstannyń densaýlyq saqtaý mınıstrligi keltirip otyr.
Jankeshti Aýǵanstan astanasyndaǵy jedel járdem kóligine qoıylǵan bombany jaryp jibergen. Jarylys Úndistan elshiliginiń Qaýipsizdik jónindegi dıreksııasy ǵımaratyna jaqyn mańda boldy.
Jarylysty «Talıban» qozǵalysy moınyna aldy.
Qazaqstannyń Syrtqy ister mınıstrligi qurban bolǵandardyń arasynda qazaqstandyqtar týraly málimet túspegendigin habarlady.