Prezıdent stıpendııasy tabys etildi

Elbasy tapsyrmasy bo­ıynsha Memlekettik hatshy Gúl­shara Ábdiqalyqova bıylǵy jyl­ǵy mádenıet salasyndaǵy stıpen­dııalardy tabys etti. Stıpen­dııalar elimizdiń mádenıe­tin qalyptastyrýǵa, saqtaýǵa jáne damytýǵa qosqan úlesi úshin shyǵarmashylyq ókilde­rine jyl saıyn berilip keledi. Bıylǵy memlekettik stı­pen­dııa ádebıet pen óner salasy­nyń 75 qaıratkerine berildi. Stı­pendııa Asanáli Áshimov, Bı­bigúl Tólegenova, Sábıt Oraz­baev, Myrzataı Joldas­bekov, Sábıt Dosanov, Esmuhan Obaev, Merýert О́tekesheva, Roza Áshirbekova, Eskendir Hasan­ǵalıev, Nurǵalı Núsipjanov, Ahmet Ashırı, Tynymbaı Nur­ma­ǵambetov, Marfýǵa Aıtqojına, Núketaı Myshbaeva, Aqushtap Baqtygereeva, taǵy basqa ádebıet pen ónerdiń iri ókilderine tabys etildi. Sondaı-aq Medet Sho­tabaev, Irına Ten, Ádil Ahme­tov, Jambyl Dúısenov jáne basqa da jas daryndarǵa memle­kettik qoldaý kórsetildi.

Saltanatty sharany ashyp, memlekettik syıaqyǵa ıe bolyp, mereıi tasyǵan ult maq­ta­nyshtaryn quttyqtaǵan G.Áb­di­qalyqova óner men mádenıettegi bıylǵy eleýli jetistikterdi atap ótti. Memlekettik hatshy Qazaqstan Prezıdentiniń: «Ult­tyń áleýetin arttyrý úshin máde­nıetimiz ben ıdeologııamyz­dy odan ári damytýymyz kerek. «Rýhanı jańǵyrýdyń» mán-mańyzy da naq osynda. О́zi­niń tarıhyn, tilin, mádenıetin bile­tin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qa­zaqstandyq bizdiń qoǵa­mymyzdyń ıdealyna aınalýy tıis», degen sózine rásimge qatysýshylar nazaryn aýdardy.

Jıynda KSRO halyq artısi Asanáli Áshimov, aqyn Aqushtap Baqtygereeva, jastardan talantty opera ánshisi Medet Shotabaev, telejúrgizýshi Irına Ten, aktrısa Roza Áshirbekova Elbasynyń qamqorlyǵyna rahmet aıtyp, lebiz bildirdi. Memleket tara­pynan berilip otyrǵan mate­rıaldyq járdem ózderin shabyt­tandyryp, talanttaryn jarqy­ratyp kórsetýge qolaıly jaǵ­daı týǵyzatynyn aıtty. «Prezı­dentimizdiń óner men ádebıetke, talant pen darynǵa degen kóz­qarasyna óz basym rızamyn. Mem­leket basshysynyń bul iltı­paty bizdi de úlken mindet pen jaýapkershilikke baǵyttaıdy. Mine, ortamyzda jasy 102-ge kel­gen qazaqtyń úlken aktrısasy Aısha Abdýllına Prezıdenttiń osy yqylasyna bólený úshin so­naý Shymkentten kelip otyr. Bul – ónerdiń kúshi! О́ner bizdi el qur­metine bólese, Elbasy bizdi qur­mettep otyr. Eldi alǵa súı­reıtin ádebıet, óner, sport. Pre­zıdentimizdiń osy senimine laıyq bolý úshin biz de óz paryzymyzdy adal atqarýdy umytpaıyq», dedi.

Memlekettik hatshy Elba­synyń halyqqa arnaǵan «Tór­tinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Jol­daýynda alǵa qoıylǵan mindet­terdiń iske asyrylýyna jáne elimizdiń mádenıeti men óneriniń odan ári damýyna Qazaqstannyń shyǵarmashyl zııaly qaýym ókilderi aldaǵy ýaqytta da eleýli úles qosady degen senimin bildirdi.

Aıgúl AHANBAIQYZY,

«Egemen Qazaqstan»

ALMATY