El gazeti «Egemendi» jata, jastana oqıtyn kóp apalaryńnyń biri bolamyn. Bul basylym áýletimiz úshin qymbat sanalady. Qudaı qosqan jarym marqum Balǵabek Qydyrbekuly atalmysh gazette uzaq jyl qyzmet atqardy. Aıtaıyn degenim, gazettiń 25 qańtar kúngi sanynan «At tergeýdiń astarynda uıat bar» deıtin tushymdy dúnıe oqydym. Bizdiń jas kezimizde at tergeý deıtin uǵym boldy.
Myna bir oqıǵa áli kúni esimnen ketpeıdi. Meniń týǵan jerim Aqtóbe óńiri-tin. Táńirdiń buıyryǵymen Almaty oblysy Uzynaǵash óńirine kelin bolyp keldim. Bir kúni enem jaryqtyq «qaraǵym, Sapýra qaıda baryp keldiń?» degeni, oıymda túk joq «Jambyl mýzeıine bardym» deı saldym jaıbaraqat. Enem: «Jambyl dep atyn ataıtyndaı ol seniń balań ba edi» dep qatty shúılikti jáne budan bylaı úlkenderdiń atyn atama, dep eskertti. Qazir jasym 85-te. Kúni búginge deıin atalarymyzdyń atyn atamaımyn. Qazaqtyń osy bir qundy dástúrin jańǵyrtqan durys dep oılaımyn.
Sapýra SEIDÁLIQYZY, eńbek ardageri