«Nurly jol». Baǵdarlama barysy baqylaýda bolady

Sharaǵa Investısııalar jáne damý mınıstrligi Qu­rylys jáne turǵyn úı-kom­mýnaldyq sharýashylyq isteri komıtetiniń tóraǵasy Mar­habat Jaıymbetov, «TKSh Qazor­talyǵy» AQ basqarýshy dırektory Rýs­­lan Kýlov jáne Qu­ry­­lys jáne turǵyn úı-kom­mý­naldyq sha­rýashylyq isteri ko­mı­tetiniń basqarma basshy­sy Ázimbek Nálibaev qatysty.

Shara barysynda M.Ja­ıymbetov 2015-2018 jyl­­dar aralyǵynda «Nur­ly jol» mem­lekettik baǵdar­la­masy aıa­synda 2 695 km jylý, sýmen jabdyqtaý jáne sý tartý jelisi, 21 qazan­dyq, 70 sorǵy stan­sasy, káriz jú­ıesi men sý tazar­tý qon­dyr­ǵy­lary jáne bas­qa da nysandar salynǵanyn aıtty.

«Elbasynyń Jarlyǵymen 2015 jylǵy 6 sáýirde beki­tilgen «Nurly jol» mem­le­­ket­tik baǵ­darlamasynda jylýmen, sýmen qamtamasyz etý jáne sý burý júıesin jań­ǵyrtýǵa aıtar­lyqtaı qarjy bólindi. Mem­lekettik baǵdarlama bıýd­jettik nesıe berý jáne sýbsıdııalaý arqyly turǵyn úı-kom­mý­nal­dyq sharýashylyǵy ınfra­qurylymyn jańǵyrtýdy qarastyrady. Baǵdarlamadaǵy ınvestısııalyq jobalardy iske asyrý nátıjesi boıynsha 2020 jylǵa deıin kelesi nátıjelerge qol jetkizý jos­parlanýda. Olar jylý, sýmen qamtamasyz etý, sý tartý jelileriniń tozýyn 67%-dan 53%-ǵa deıin túsi­rý jáne tutynýshylarǵa kór­se­tiletin qyzmet sapasyn jaqsartý, shekti tarıf qaǵı­­dattaryn qoldaný jáne maqsatty ınvestısııalyq trans­fertterdi bıýdjettik ne­sıelermen jáne jeke kapı­tal­darmen almastyrý ese­binen salany kommersııalandyrý prosesin iske qosý, salany biryńǵaı teh­nıkalyq standarttarǵa kóshirý», dedi M.Jaıymbetov.

Qurylys jáne turǵyn úı-kommýnaldyq sharýashylyq isteri komıtetiniń tóraǵasy só­zin qorytyndylaı kele, mı­nıstrlik baǵdarlamany iske asyrýdyń barysyna tu­raqty baqylaý júrgi­zeti­­nin, jergilikti atqarýshy organ­dardyń qarjylandyrý jos­parynda kórsetilgen mer­zim­di buzýyna jol bermeý bo­ıynsha ýaqtyly sharalar qa­byldaıtynyn atap ótti.

Raýan QAIDAR, «Egemen Qazaqstan»