Mańǵystaý oblysynda ótken apparattyq jınalystyń kún tártibinde agroónerkásiptik keshendi sıfrlandyrý, básekelestikti damytý, «jergilikti bıýdjetke túsetin kiristi ulǵaıtý jáne qosymsha qorlardy izdeý» is-sharalar josparynyń jobasy, «Halyqqa qyzmet kórsetý ortalyǵy» departamentiniń qyzmeti, oblystyq sáýlet jáne qala qurylysy basqarmasynyń 2018 jylǵa arnalǵan negizgi maqsatty kórsetkishterge qol jetkizýi qaraldy.
Qazaqstan Respýblıkasynyń Prezıdenti N.Á.Nazarbaevtyń 2018 jylǵy 10 qańtardaǵy Qazaqstan halqyna Joldaýyna sáıkes «Aqyldy tehnologııalar» - agroónerkásiptik keshendi damytýda serpilis jasaýǵa múmkindik beredi. Osyǵan oraı, Mańǵystaý oblysynyń Aýyl sharýashylyǵy basqarmasy 2 baǵyt boıynsha sıfrlyq tehnologııany engizýdi josparlap otyr:
Birinshi, Biryńǵaı avtomattandyrylǵan mobıldik qosymshalardy iske qosý. Onyń kómegimen tutynýshyǵa memlekettik qyzmet alý qoljetimdi bolmaq (24 saǵat boıy onlaın-ótinish berý, ýaqyt únemdeý, memlekettik qyzmetter týraly aqparattar, sýbsıdııalar jáne sýbsıdııalar berýdegi ózgerister men tolyqtyrýlardy baqylaý).
Ekinshi, sharýashylyq ónimderin satýǵa arnalǵan elektrondyq kommersııa alańyn qurý. «Elektrondyq kommersııa platformasy (veb-saıt + mobıldik qosymshasy) Mańǵystaý oblysynyń turǵyndaryna jergilikti sharýashylyqtardan tamaq ónimderin jetkizýdi uıymdastyrýǵa, sharýashylyqtan ústelge deıin ónim jetkizýdiń qashyqtyǵyn, ýaqytyn jáne qunyn esepteýge múmkindik beredi. Onlaın tólem ádisteriniń tizimi jıi keńeıtiledi», - oblystyq aýyl sharýashylyǵy basqarmasynyń basshysy Serik Qaldyǵul.
Mańǵystaý oblysy boıynsha tabıǵı monopolııany retteý jáne básekelestikti qorǵaý departamentiniń basshysy Serjan Sıhymbekulynyń baıandamasyna sáıkes, 2017 jyldyń basynan bastap Qazaqstan Respýblıkasynyń básekelestikti qorǵaý salasyndaǵy zańnamasyn buzý boıynsha 8 tergeý bastaldy (7 adam logıkalyq qorytyndyǵa kelip, bir tergeý 2018 jyly jalǵasty). Áýejaıǵa monopolııalyq jaǵdaıdy teris paıdalaný boıynsha tergeý júrgizilýde. Ol Aqtaý termınalynyń aýmaǵynda qoǵamdyq tamaqtandyrý obektilerin jalǵa berýdiń joǵary baǵalaryn belgileýde anyqtaldy. Sondaı-aq, 2017 jyly departament birqatar memlekettik organdarǵa tergeý júrgizdi.
«Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamy Mańǵystaý oblysy boıynsha fılıaly – «Halyqqa qyzmet kórsetý ortalyǵy» departamentiniń qyzmeti týraly Erbol Baıjigit málimdedi. 2017 jylǵa HQO departamenti 1 519 726 memlekettik qyzmet kórsetti, onyń ishinde 1 030 625 qyzmet elektrondy túrde usynyldy. Oblys boıynsha 3 mobıldi ortalyq halyqqa qyzmet kórsetedi. Aıyna 2 ret Qaraqııa, Beıneý jáne Mańǵystaý aýdandarynyń shalǵaı eldi mekenderine memlekettik qyzmetterdi kórsetý úshin barady. Sonymen qatar, 2017 jyldyń 29 jeltoqsanynda «Azamattarǵa arnalǵan úkimet» memlekettik korporasııasy» «Ulttyq aqparattyq tehnologııalar» AQ-pen birlese otyryp ata-analarǵa memlekettik qyzmetterdi proaktıvti tásilmen kórsetý jobasyn iske qosty. Bala týǵannan keıin ata-analar balanyń týýyn tirkeýge arnalǵan memlekettik qyzmetti alý týraly usynyspen SMS-habarlama alady. Búgingi tańda mundaı habarlama 233 ata-anaǵa jiberildi.
Apparattyq jıynda oblystyq sáýlet jáne qala qurylysy basqarmasynyń 2018 jylǵa arnalǵan negizgi maqsatty kórsetkishterge qol jetkizýi týraly basqarma basshysy Naızabek Jaılaý baıandady. Bıyl basqarma 3 negizgi maqsatty kórsetkishterge qol jetkizýi qarastyrýda. Basqarma basshysynyń aıtýynsha, olar Aqtaý qalasynyń ınteraktıvtik kartasyn jasaý. Qajetti qarajat 17,5 mln. teńge dep anyqtalyp, ekonomıka jáne bıýdjettik josparlaý basqarmasyna usynyldy. Sondaı-aq, Aqtaý qalasynyń bas josparyn buryn jasaqtalǵan qurylys salý jobasymen qosa barlyq ınfraqurylymdy ózektendirý úshin keshendi qurylys salý jobasyn jasaqtaý. Smetalyq quny 63,6 mln. teńge jáne Aqtaý qalasynda ońtústik ındýstrıaldy aımaq quryp, damytýdyń (MAEK mańaıy) qurylys salý jobasyn jasaqtaý. Smetalyq quny 27,8 mln. teńge.
Gúlaıym ShYNTEMIRQYZY, «Egemen Qazaqstan»
Mańǵystaý oblysy