Áset Turysov «Ulttyq aqparattyq tehnologııalar» AQ basqarma tóraǵasy qyzmetine taǵaıyndaldy, dep habarlaıdy vedomstvonyń baspasóz-qyzmeti.
«Dırektorlar keńesiniń 2018 jyldyń 29 qańtaryndaǵy №198 sheshim boıynsha Áset Turysov «Ulttyq aqparattyq tehnologııalar» AQ basqarmasynyń tóraǵasy qyzmetine taǵaıyndaldy. Buǵan deıin ol «Qazposhta» AQ basqarýshy dırektor qyzmetin atqarǵan»,-dep jazylǵan habarlamada.
Áset Turysov 1987 jyly 10 qarashada Máskeýde týǵan. Ál-Farabı atyndaǵy Qazaq Ulttyq ýnıversıtetin bitirgen. 2017 jyly «Halyq sharýashylyǵy» ýnıversıtetin «Ekonomıka baklavry» mamandyǵy boıynsha támamdaǵan.
Eńbek jolyn 2009 jyly «Qazaqtelekom» AQ bastaǵan. 2011-2014 jyldary QR Kólik jáne kommýnıkasııa mınıstrliginde, 2014-2018 jyldar aralyǵynda «Qazposhta» AQ basqarýshy dırektor qyzmetin atqarǵan.