Almatyda «Jahandaný dáýirindegi sıfrlyq kún tártibi» atty Eýrazııalyq ekonomıkalyq odaq forýmy ótip jatyr. Alqaly jıyn aıasynda elimizdiń Aqparat jáne kommýnıkasııalar mınıstri Dáýren Abaev arnamyzǵa arnaıy suhbat berdi.
Jaýapty vedomstvo basshysy forýmnyń mán-mańyzyna toqtalyp, oǵan Premer-mınıstr Baqytjan Saǵyntaevpen qosa birneshe memlekettiń úkimet basshylary qatysyp jatqanyn atap ótti.
Dáýren Abaev ásirese jahandyq deńgeıdegi bul basqosýdyń osydan bir jyl buryn Memleket basshysy Nursultan Nazarbaev pen Reseı prezıdenti Vladımır Pýtınniń ortaq sheshimine saı ótkizilip otyrǵanyn eske saldy. Sondyqtan dál osy jıyn arqyly Eýrazııalyq ekonomıkalyq odaq elderin keshendi sıfrlandyrý bastaý alýy tıis. Mınıstrdiń aıtýynsha, Eýroodaqta óndiriske tyń tehnologııalardy engizý 400 mlrd dollarǵa teń paıda ákelgen. Eger Qazaqstan, Reseı, Qyrǵyzstan, Belarýs, Armenııa sekildi ıntegrasııalyq uıym músheleri jańashyldyqty jan-jaqty engize bilse mol tabysqa kenelýi múmkin.
- Bul jerde aıtaıyn degenim: Qazaqstannyń astanasyn qazirgi Astana qalasyna kóshirý máselesi, ınvestısııa tartý máselesi boıynsha, elimizge qansha ınvestısııa keldi, ındýstrıaldy baǵdarlamany iske asyrý, qansha jumys orny ashyldy, delımıtasııalaý máselesi, memlekettik shekarany nyq ornatý. Osynyń bárine kezinde keıbir qazaqstandyqtar onsha senińkiremeı qarap edi. Qazir sonyń báriniń nátıjesin kórip otyrmyz. Osy baǵdarlama da, forým da tikeleı Elbasynyń tapsyrmasy boıynsha oryndalyp jatyr, dedi Aqparat jáne kommýnıkasııalar mınıstri Dáýren Abaev.