Elordadaǵy Ulttyq akademııalyq kitaphanada «Tańǵajaıyp kitaptar men qoljazbalar toptamasy» taqyrybynda qundy kórme ótkizildi.
Mundaǵy jádigerlerdiń ishindegi eń kónesi 1532 jyly eski latyn tilinde jaryq kórgen kitap (sýrette). Týyndynyń syrtqy muqabasy adamnyń terisinen jasalypty.
Taǵy bir qundy dúnıe HV ǵasyrda ómir súrgen parsy aqyny Ábdirahmen Jámıdiń (Abd ár-Rahman Nur ád-Dın ıbn Ahmed Jamı) aýyzynan jazyp alynyp, Molla Samarqanıdyń kóshirmesimen búginge jetken úlken kitap. Munda aqynnyń ǵaqlııa jyrlary toptastyrylǵan.
Sonymen qatar kórme sóresinen – HVII ǵasyr týyndysy Ábýlǵarı Sultan Abdýldyń orama qoljazbasy, alǵash ret qazaq tilinde arab grafıkasymen 1920 jyldary jazylǵan Shádi tóreniń «Sııar sharıf» atty jazbasy, Qoja Ahmet Iаsaýıdiń lıtografııalanǵan «Dıýanı Hıkmet» kitabynyń HVII ǵasyrdaǵy nusqasy, shyǵys shaıyrlary – Hafız, Jamı, Fızýlı, Bedııa, Rýmı, Álisher Naýaılerdiń parsy tilinde jazylǵan kóne týyndylary jáne HVIII ǵasyr murasy shaǵataı tilinde qusnı hat úlgisinde jazylǵan ósıet-óleńder toptamasyn baıqadyq.
Sırek kitaptar qorynyń mamany Móldir Baımahanbetovanyń aıtýyna qaraǵanda, bul jazbalardyń deni Muhamed (s.ǵ.s) paıǵambardyń ómirbaıany jáne sahabalary jaıly dinı qıssa-dastandar eken.
Beken QAIRATULY,
«Egemen Qazaqstan»