Almatyda «Jahandaný dáýiriniń Sıfrlyq kún tártibi» forýmy aıasyna aqparat jáne kommýnıkasııalar mınıstri Dáýren Abaev Belarýs jáne О́zbekstan Respýblıkasyndaǵy áriptesterimen ekijaqty kezdesýler ótkizdi. Sondaı-aq Ázirbaıjan Respýblıkasy baılanys jáne joǵary tehnologııa mınıstriniń orynbasary men Halyqaralyq Elektrobaılanys Odaǵy bas hatshysynyń orynbasarymen kezdesti, dep habarlaıdy mınıstrliktiń resmı saıty.
Belarýs Respýblıkasy baılanys jáne aqparattandyrý mınıstri Sergeı Popkovpen kezdesý barysynda sala basshydary eki ediń sıfrlandyrý baǵytyndaǵy ózara yqpaldastyǵyn áńgimege arqaý etti. Sonymen qatar, mınıstrler elektrondyq qyzmet, pochta baılanysy men ınnovasııalyq tehnologııa parkin damytýdaǵy tájirıbe almasý tetikterin talqylady.
О́zbekstan Respýblıkasy aqparattyq tehnologııalardy damytý jáne kommýnıkasııa mınıstri Sherzod Shermatovpen kezdesý barysynda Dáýren Abaev ekonomıkany sıfrlandyrý baǵytyn Ortalyq Azııa aýmaǵynda kúsheıtýge eki eldiń áleýeti jetinin atap ótti. Dáýren Abaevtyń aıtýynsha, ınnovasııalyq ortalyqtar men Joǵary Oqý Oryndaryndar, Aqparattyq Kommýnıkasııalyq Tehnologııalar arasyndaǵy baılanysty nyǵaıtý arqyly ınvestorlar men transulttyq kompanııalardyń qyzyǵýshylyǵyn arttyrýǵa jol ashylady.
Kezdesý sońynda «Zerde» (Qazaqstan) Ulttyq ınfokommýnıkasııalyq holdıngi men «UZINFOCOM» (О́zbekstan) kompanııalary arasynda ózara túsinistik jónindegi memorandýmǵa qol qoıyldy.
Sondaı-aq Dáýren Abaev Halyqaralyq Elektrobaılanys Odaǵy bas hatshysynyń orynbasary Malkolm Djonsonmen kezdesti. Ekijaqty kezdesý barysynda otandyq JOO ǵylymı potensıalyn arttyrý, saraptama men zertteýler salasyndaǵy ózara áriptestiktiń múmkindikterin talqylady. Malkolm Djonson bizdiń elimizdiń ár bastamasyn qoldaıtynyn, jan-jaqty áriptestik ornatýǵa yntaly ekenin jetkizdi. Dáýren Abaev áriptesine jáne Halyqaralyq Elektrobaılanys Odaǵynyń komandasyna aýyldy jerlerdegi Internetti damytýǵa baǵyttalǵan jobalary úshin alǵysyn aıtty.
Sonymen qatar, Ázirbaıjan Respýblıkasy baılanys jáne joǵary tehnologııa mınıstri Elmır Velızademen kelissózder júrgizildi. Kezdesý barysynda Aqparattyq Kommýnıkasııalyq Tehnologııalar salasynda ózara áriptestik jónindegi kelisimder bekitildi.
«Jahandaný dáýiriniń Sıfrlyq kún tártibi» forýmy memleket Basshysy Nursultan Nazarbaevtyń bastamasymen ótip jatyr.