Gaz tarıfi nege ártúrli?

Máselen, Ońtústik Qazaqstan oblysyndaǵy ta­bı­­ǵı gaz tarıfi 2017 jyl­dyń 1 shildesinen bastap bir myń tekshe metrge jeke tulǵalar úshin – 34 475,20 teńge, zańdy tul­ǵalar úshin – 36 103,97 teńge, jylý energııasyn óndiretin zańdy tulǵalar úshin – 25 148,26 teńge bolyp belgilengen. Al Aqtóbe ob­lysynda jeke tulǵalar úshin osy tarıf – 8,4 myń, Mań­ǵystaý oblysynda – 9,4 myń, Qyzylorda oblysynda – 19,9 myń, Jambyl obly­synda – 26,1 myń teńge. Bir elde otyryp osynsha kóp aıyrmashylyqqa jol berilýiniń ózi kóp suraqtar týyndatady. Bizdiń Ońtústiktiń ta­rıfi kórshiles О́zbek­stan­da­ǵydan tipti 3 ese artyq.

Elektr energııasy ta­rıf­­­teriniń de aıyrma­shy­­lyǵy úlken. Al ortasha jalaqy mólsheriniń deń­geıi Ońtús­tik­te basqa oblys­tar­men salys­tyr­ǵan­da tó­men deń­geıde qalyp otyr. Má­se­len, ol OQO-da 98,9 myń teńge bolsa, BQO-da 136,3 myń, ShQO-da118,6 myń, Qyzylordada 117,9 myń teń­geni quraıdy.

Sondaı-aq Ońtústik Qazaqstan oblysynda jalpy eko­­­no­mıkalyq jaǵy­nan bel­­sen­­di halyqtyń ju­mys­pen qam­tyl­­ǵany 42,2%-dy qu­ra­sa, al kún­­kóris deń­geıi­nen tómen ta­by­­sy bar turǵyndar 31,3%-dy quraıdy.

Respýblıkamyzdaǵy shaǵyn jáne orta bıznestiń eń úlken úlesi – 15,3 % Oń­tús­­tik Qazaqstan oblysyna tı­esili ekenin eskersek, ta­rıf­­terdiń ósýi halyqtyń eń tyǵyz ornalasqan óńiri ón­dir­gen taýarlardyń ózin­dik qunynyń joǵary bolýyna, básekege qabilettiliginiń tó­men­deýine, óńirge ınves­tor­­lardyń kelýin azaıtýǵa jáne jeke kásipkerlerdiń bas­qa óńirlerge aýysyp k­e­týine ákelip soǵýda.

Osyǵan baılanysty biz Premer-Mınıstr Baqytjan Sa­ǵyntaevtyń atyna depý­tat­­tyq saýal joldap, Ońtús­tik Qazaqstan oblysyn tabı­ǵı gazben qamtamasyz etýdegi erek­­shelikterdi eskere otyryp jáne óńirler arasynda gaz, elektr energııasy tarıf­te­rindegi baǵalyq aıyr­ma­shy­lyqty tómendetý maq­sa­t­ynda elimizde biryńǵaı orta tarıf engizý máselesin qa­ras­tyrýdy suradyq. Bul Ońtústik óńirdiń ekono­mık­a­lyq damýyna oń yqpal etetin úlken faktor bolar edi dep sanaımyz.

Álimjan QURTAEV,

senat depýtaty