Ortalyq Kommýnıkasııalar qyzmetinde «Egemen Qazaqstan» RG» AQ Basqarma tóraǵasy Darhan Qydyrəli 2017 jyldyń jumys qorytyndysy men 2018 jylǵa arnalǵan damý baǵyttary týraly baspasóz konferensııasyn ótkizdi.
«Qazaq baspasóziniń qara shańyraǵy – «Egemen Qazaqstan» gazetiniń jyl qorytyndysyna arnalǵan baspasóz máslıhatyna kelip, qoldaý kórsetkenderińiz úshin barshańyzǵa rızashylyǵymdy bildiremin!
О́tken 2017 jyly «Egemen Qazaqstan» gazeti Aqparat jáne kommýnıkasııalar mınıstrligi bekitken «Strategııalyq damý tujyrymdamasyna» sáıkes, 2017 jyly aldyna qoıǵan barlyq maqsat-mindetterdi tolyqtaı iske asyrdy.
Biz osy tujyrymdamada gazettiń shyǵarmashylyq-óndiristik qyzmetinde «segiz s-dan» turatyn qaǵıdatty basshylyqqa alatynymyzdy jarııalaǵan edik. Sonyń ishinde senimdi aqparat, saýatty ári sapaly saraptama, synı maqalalarǵa kóbirek oryn berip, saıtty jańǵyrtýǵa kúsh saldyq. Nátıjesinde bas basylymda formattyq, dızaındyq jáne mazmundyq ózgerister túbegeıli ornyqty. «Egemen Qazaqstan» memlekettik saıasattyń bas jarshysy ári aqparat aıdynyndaǵy flagmany retindegi rólin aıtarlyqtaı kúsheıtti», dedi Darhan Qydyrəli.
Onyń sózinshe, «gazet oqylmaıdy» degen pikirler aıtylyp júrgenine qaramastan «Egemenniń» tájirıbesi men jetistikteri jyl saıyn artyp keledi. Buǵan dəlel retinde «Egemen Qazaqstannyń» Basqarma tóraǵasy byltyrǵy negizgi kórsetkishterin atap ótti.
«Gazettiń «Strategııalyq damý tujyrymdamasyndaǵy» mindetterdi tabysty júzege asyrý arqyly 2017 jyly tıraj sany boıynsha Qazaqstan basylymdary arasynda eń joǵary kórsetkishke qol jetkizdik. Byltyr tırajymyz 204 myńnan asty. 2018 jylǵa jazylym naýqany júrip jatyr, qazirgi kórsetkish – QazPoshta boıynsha 206 myńnan asyp otyr», dedi Darhan Qydyrəli. Basqarma tóraǵasynyń aıtýynsha, basylym aqparat naryǵyna, oqyrmandar kontıngentine taldaý jasaı otyryp, gazet materıaldarynyń saraptamalyq sıpatyn arttyrýǵa kúsh salǵan. «Egemen» oqyrmandarynyń basym bóligi bıýdjet qyzmetkerleri, sonyń ishinde muǵalimder ekenin eskere otyryp, muǵalimder men mektep oqýshylaryna («Tálim», «UBT-ǵa daıyndyq», «Bilim»), jalpy kópshilikke («Ádebıet», «Áıel álemi») arnalǵan jobalardy qolǵa alǵan.
«Jańadan aıdarlar ashý arqyly gazettiń resmı qyrynan bólek, buqaralyq sıpaty men mazmuny ulǵaıdy. Halyqty, qalyń kópshilikti tolǵandyratyn, qoǵamdyq-saıası, áleýmettik-ekonomıkalyq mańyzy bar ózekti máselelerdi jıi kóterip, olardy birinshi betten bastap jarııalaýǵa basymdyq berildi. Nátıjesinde, «Egemende» kóterilgen máseleler qoǵamdyq rezonans týdyryp, tıisti memlekettik organdardyń nazaryna ilikti.
Osylaısha gazet memlekettik saıasatty halyqqa jetkizýmen qatar, halyqtyń sózin de tıisti quziretti organdarǵa jetkizýshi rólin kúsheıtti», dedi Darhan Qydyrəli. Sonymen qatar ol Elbasynyń «Bolashaqqa baǵdar: rýhanı jańǵyrý» maqalasy eń aldymen «Egemende» jaryq kórgenin eske aldy. «Maqalany kóptegen sheteldik basylymdar bizden kóshirip basty, gazetimizge jáne saıtymyzǵa silteme jasady. Osy jaıt ta gazettiń respýblıka ishinde ǵana emes, odan tysqary elderde tanylýyna ózindik yqpalyn tıgizdi. Al osy taqyryp aıasynda «Egemenniń» ózinde ǵana myńǵa jýyq materıal jarııalandy», dedi ol.
Gúlnur Qýanyshbekqyzy,
«Egemen Qazaqstan»