Ortalyq Kommýnıkasııalar qyzmetinde "Egemen Qazaqstan" RG" AQ Basqarma tóraǵasy Darhan Qydyrəli 2017 jyldyń jumys qorytyndysy men 2018 jylǵa arnalǵan damý baǵyttary týraly baspasóz konferensııasyn ótkizdi.
Jıynda Darhan Qydyrəli gazette qazir 115 qyzmetker jumys isteıtinin aıtyp ótti. Olardyń jas quramy nemese orta jasy – 35 jas (2016 -56, 2017 – 43). Darhan Qydyrəliniń aıtýynsha, gazet qyzmetkerleri jasaryp qana qoımaı, sapaly, bilikti kadrlarmen tolyqqan.
"Gazetimizde qazir úsh tildi meńgergen 4 "Bolashaq" túlegi bar. Sonymen qatar "Egemen Qazaqstan" elimizdegi óz qyzmetkerlerin tolyǵymen baspanamen jáne áleýmettik paketpen qamtyp otyrǵan birden bir mekeme. Jyl basynda jalaqy 15 paıyzǵa ósti" dedi Basqarma tóraǵasy.
Onyń aıtýynsha, 2017 jyl "Egemen Qazaqstan" qyzmetkerleriniń ekeýi «Qurmet» ordenine, úsheýi «Aqparat salasynyń úzdigi» tósbelgisine, úsheýi «Úrker» syılyǵyna ıe bolǵan. Jalpy byltyr respýblıkalyq, óńirlik, salalyq jáne vedomstvolyq syılyqtardy qosa eseptegende, «Egemen» jýrnalısteri 10-nan asa ártúrli syılyqtarmen marapattalǵan.
Gúlnur Qýanyshbekqyzy,
"Egemen Qazaqstan"