Ortalyq Kommýnıkasııalar qyzmetinde "Egemen Qazaqstan" RG" AQ Basqarma tóraǵasy Darhan Qydyrəli 2017 jyldyń jumys qorytyndysy men 2018 jylǵa arnalǵan damý baǵyttary týraly baspasóz konferensııasyn ótkizdi.
Jıyn barysynda Darhan Qydyrəli «Egemen Qazaqstan» qolǵa alǵan qoǵamdyq mán-mańyzy bar jobalar týraly aıtty.
Məselen, byltyr basylym "Rýhanı jańǵyrý" baǵdarlamasy aıasynda Halyqaralyq ekspedısııa uıymdastyrǵan. Sonymen qatar "Egemen Qazaqstan kitaphanasy" serııasymen kitaptar jaryq kórgen. Gazet kóptegen qaıyrymdylyq sharalar men ınvestısııalyq forýmdarǵa aqparattyq demeýshi bolǵan. Bıyl da basylym birqatar jobalardy qolǵa almaq. Sonyń ishinde naýryzdan bastap gazettiń ataýyn latyn álipbıimen jańa dızaında shyǵarý josparlanypty.
"Naýryz aıynan bastap kúndelikti 16 bet kólemine kóshemiz dep josparlap otyrmyz. Sonymen qatar jańa qosymshalarmen aptasyna bir ret 24 bet shyǵarý josparlanýda. Sondaı-aq bıyl biz úshin «Egemen Qazaqstan» gazetiniń 100 jyldyq mereıtoıyna daıyndyq jyly bolady. Qazaq baspasóziniń tarıhynda memlekettik saıasatty halyqqa jetkize otyryp, el úshin ózekti problemalardy, qoǵamdyq mán-mańyzy bar máselelerdi udaıy nazarynda ustap, 100 jyldyq belesine shyǵyp otyrǵan eldegi birden bir resmı gazet – «Egemen Qazaqstan». Sondyqtan da «Egemenniń» 100 jyldyq mereıtoıy respýblıkalyq deńgeıde atap ótýge ábden laıyq dep esepteımiz", dedi Darhan Qydyrəli. Sonymen qatar onyń aıtýynsha bıyl «Egemen Qazaqstan» akademııasy» atty keń aýqymdy joba júzege asyryla bastaıdy.
"Biz sheteldegi (Mońǵolııa, О́zbekstan jáne Qyrǵyzstan) qazaq jýrnalısterine arnaıy semınar kýrsyn uıymdastyrýdy da josparlap otyrmyz. Budan bólek jergilikti jýrnalısterdi aǵylshyn tilinde aqparat taratý boıynsha taǵlymdamadan ótkizýdi, jýrnalıstıka fakýltetteri stýdentteriniń kásibı shyńdalýyna múmkindik jasaýdy qolǵa almaqpyz. О́ńirlik jáne salalyq baspasóz quraldaryna aqparattyq-ádistemelik jáne konsýltatıvtik-trenıngtik qoldaý kórsetý syndy baǵyttarda jumys isteý de josparymyzda bar", dedi Darhan Qydyrəli.
Konferensııada belgili bolǵandaı, «Sıfrly Qazaqstan» baǵdarlamasy aıasynda «Egemen Qazaqstan» gazetiniń 1919 jyldan bergi barlyq nómirlerin skanerlep, elektrondy formatqa kóshirý jumystaryn aıaqtalýǵa jaqyn eken. Sol sııaqty 1919-2019 jyldar aralyǵynda gazette jaryq kórgen tańdaýly maqalalardyń 10 tomdyq jınaǵyn ázirleý isi jalǵastyrylýda.
"Egemen Qazaqstan" aksıonerlik qoǵamynyń ishki qujat aınalymyn avtomattandyryp, óndiristik-shyǵarmashylyq úderisin elektrondy júıege kóshirýdi josparlap otyrmyz. Budan bólek saıtymyzdyń sapasyn arttyrý jumystary jalǵasa beretin bolady. Osy maqsatta úsh tilde mýltımedıalyq (vıdeo reportajdar, vıdeo suqbattar ázirleý) kontentti ornalastyrý josparlanýda. Qazaq tildi aýdıtorııanyń eldegi áleýmettik-ekonomıkalyq, qoǵamdyq-saıası máseleler boıynsha pikirin bilý ári oqyrmandarmen tıimdi keri baılanys ornatý maqsatynda respýblıkalyq masshtabta kásibı áleýmettanýshylardy tarta otyryp, telefon, ıntervıý jáne ınternet quraldary kómegimen keshendi áleýmettik zertteý júrgizý de qolǵa alynatyn bolady", deı kele Darhan Qydyrəli əlemdik, halyqaralyq deńgeıdegi iri aqparat quraldarymen áriptestik baılanys ornatý maqsatyndaǵy kelissózder jalǵasa beretinin aıtty.
"Biz 2017 jyly Japonııanyń, Qytaıdyń, AQSh pen Eýropanyń, Irannyń, Túrkııanyń jáne Arab Ámirlikteriniń beldi basylymdarynda bolyp, olardyń tájirıbelerimen tanystyq. О́zara aqparat almasý, tájirıbe jetildirý baǵytyndaǵy yntymaqtastyqtyń múmkindikterin talqyladyq (Asahı Shımbýn, IRNA, Nıý-Iork taıms, Mıllıet jáne t.b). Osy kelissózder sátimen aıaqtalsa, avtorlyq quqyq alý arqyly atalǵan shetel basylymdarynyń mańyzdy saraptamalyq materıaldaryn «Egemen» oqyrmandary da oqıtyn kún taıaý dep oılaımyz" dedi Basqarma tóraǵasy.
Sóz sońynda Darhan Qydyrəli qazaq baspasóziniń bir ǵasyrlyq tarıhy bar qara shańyraǵyna, otandyq jýrnalıstıkanyń ustahanasyna aınalǵan, sarǵaıǵan betterinde Alash arystarynyń qoltańbasy qalǵan bas basylym búgingi kúnge osyndaı tabystarmen jáne jarqyn jobalarymen kelip otyrǵanyn aıtty. "Egemendiktiń eleń-alańynda eldigimizdiń eńsesin tikteýge atsalysyp, elmen birge jańaryp, elmen birge órkendep kele jatqan «Egemen Qazaqstan» aldaǵy ýaqytta da elge qyzmet ete beretin bolady", dedi Darhan Qydyrəli.
Gúlnur Qýanyshbekqyzy, "Egemen Qazaqstan".