Jalpy, Elbasy jyl saıynǵy joldaýlarynda, kópshilikpen kezdesýlerde de, ásirese jastarmen júzdesýlerinde bilimge qatysty kesekti oılarymen bólisip, bilimniń mańyzyn jastarǵa árdaıym qadap aıtady.
Bıylǵy kezekti Joldaýynda da osy másele erekshe kóńil bóldi. «Adamı kapıtal – jańǵyrý negizi» dep atalatyn jetinshi baǵytta jas urpaqqa bilim berýdiń jańa sapasy týraly, ıakı onyń mazmunyn zamana talabyna saı qurýǵa qatysty keleli áńgime qozǵap, ony júzege asyrýdyń naqty joldaryn kórsetti. Ásirese, Elbasynyń «bilim berý salasyn ekonomıkanyń jeke salasy retinde damytý kerek» degen oıy asa mańyzdy.
JaHandaný dáýiri jınaqylyqty, uqyptylyqty, naqtylyqty talap etedi. Prezıdenttiń «óziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamnyń ıdealyna aınalýǵa tıis» degen sózi bilimdi urpaqtyń boıynan tabylar basty qasıetter bolýy kerek. Qaı salada bolsyn bilimdi jas ózgelerden oq boıy ozyq turady. Eldiń erteńi, jas urpaq jan-jaqty, básekege qabiletti, bilimdi bolsa, ol – bolashaǵymyzdyń kepili degen sóz.
Jalpy, Prezıdent bastamasymen qolǵa alynǵan kez kelgen memlekettik baǵdarlamanyń basty maqsat elimizdi jańa satyǵa kóterý, ınnovasııalyq múmkindikterdi paıdalaný arqyly halyqtyń turmystyq-áleýmettik jaǵdaıyn jaqsartý ekeni belgili. «Qazaqstan – 2050» strategııasynda kórsetilgendeı, saıası-ekonomıkalyq áleýetimizdi retteý arqyly memleketimizdi damyǵan 30 eldiń qataryna kirgizý, oǵan qosa, mádenıetimiz ben rýhanııatymyzdy jetildirýdi basty nazarda ustaý kerek.
Bıylǵy Joldaýdyń da mindet-maqsaty osyǵan saıady. Munda saıası turaqtylyq pen qoǵamdyq kelisimniń arqasynda ekonomıkamyzdy, saıasatymyzdy jáne sanamyzdy jańǵyrtýǵa baǵyttalǵan 10 basymdyq kórsetilgen. Memleket basshysy alǵa qoıǵan maqsattardy «bir jaǵadan bas, bir jeńnen qol» shyǵaryp, birlese júzege asyrar bolsaq, memleketimizdiń alar belesi mol bolmaq.
Talǵat KÚZEMBAEV, Memlekettik syılyqtyń laýreaty, Qazaqstannyń eńbek sińirgen qaıratkeri