«Nur Otan» partııasy Almaty qalalyq fılıalynyń kezekten tys HHI konferensııasy ótti

Oǵan «Nur Otan» partııasy Almaty qalalyq fılıalynyń bıýro jáne saıa­sı keńes músheleri, Almaty qalalyq máslıhatynyń depýtattary, memlekettik organdar men úkimettik emes uıymdardyń jetekshileri, «Jas Otan» Jastar qanaty­nyń músheleri jáne buqaralyq aqparat quraldarynyń ókilderi qatysty. 

Konferensııany «Nur Otan» partııa­sy Almaty qalalyq fılıaly tóraǵa­synyń birinshi orynbasary Juldyz Omarbekova ashyp, óz sózinde Prezıdent Jol­daýyn talqylap qana qoımaı, onyń oryndalýyn partııa tarapynan qada­ǵa­laý mańyzdy másele ekendigin atap ótti.

Joldaýdyń birinshi baǵyty bo­ıynsha «Turan» ýnıversıtetiniń rektory, Qoǵamdyq keńestiń tóraǵasy, máslıhat depýtaty Rahman Alshanov, segizinshi jáne toǵyzynshy baǵyttary boıynsha Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy, «Nur Otan» partııasy Almaty qalalyq fılıaly janyndaǵy Jemqorlyqqa qarsy is-qımyl jónindegi qoǵamdyq keńes tóraǵasynyń orynbasary Aıgúl Baıhanova, onynshy baǵyty boıynsha «Nur Otan» partııasy Almaty qalalyq fılıaly saıası keńesiniń múshesi, «NK SPK Almaty» AQ basqarma tóraǵasy Muhıt Ázirbaev sóz sóıledi. Olar Elbasy Joldaýynyń mańyzdylyǵyn basa kórsetip, ony tolyǵymen qoldaıtyndyqtaryn bildirdi.

Joldaýda kórsetilgen mańyzdy baǵyttardyń biri – «Almaty-2020» damý baǵ­darl­amasy aıasynda júzege asyrylyp jatqan «Aqyldy qala» baǵyty. Al­dyń­ǵy jyly qalada bastaý alǵan bul joba ashyq, qolaıly jáne jaıly qala ortasyn qalyptastyrý úshin jańa múm­kin­dikter týǵyzady. Joba aıasynda, son­daı-aq partııanyń Saıası doktrınasyn­da azamattardyń quqyqtaryn, bostan­dyq­taryn jáne zańdy múddelerin qamtamasyz etýge basty nazar aýdarylady. Ashyq qala ortasyn qalyptastyrý maqsa­tynda «Qaýipsiz qala» jobasy júze­ge asyrylyp keledi. Al naryqtyq qaǵı­dat­tar bo­ıynsha jumys istep, tıimdi jáne turaqty qoǵamdyq kólikter salasyn qalyp­tastyrý maqsatynda Kólik reformasy júrgizilýde. 

Konferensııada qalalyq máslıhat­taǵy óz mindetinen bosatylǵan depýtat­tar­dyń ornyna jańadan úmitkerler usynyldy. Almaty qalalyq máslıhaty­nyń VI shaqyrylym depýtaty, Á.Qasteev atyndaǵy beıneleý óneri jáne teh­nıkalyq dızaın mektebiniń dırektory Hanzada Esenova qazirgi tańda Almaty qala­sy Mádenıet jáne muraǵattar bas­qar­masynyń basshysy qyzmetin atqarady.

4 kandıdat ishinen 2 úmitker máslıhat depýtattyǵyna usynyldy. Olar qoǵam­dyq uıymdar men bıznes salasynyń ókilderi. Konferensııa qorytyndysynda Joldaý aıasynda atqarylatyn is-shara­lar jospary bekitildi.

Saparbaı PARMANQUL, «Egemen Qazaqstan» 

ALMATY