Bul usynysty búgin Astanadaǵy Ulttyq akademııalyq kitaphanada Túrki akademııasy halyqaralyq uıymynyń (TWESCO) uıymdastyrýymen Alashordanyń 100 jyldyǵyna oraı ótken «Alash áskeri: tarıhtan taǵylym» atty semınarda General-maıor Erjan Isaqulov ortaǵa qoıdy.
«Jaqynda, 23 aqpan kúni Qyzyl áskerdiń qurylǵanyna 100 jyl tolady. Qazaqstan áskeriniń qurylǵan kúnin «Otan qorǵaýshylar kúni» dep, 7 mamyrda atap ótip júrmiz. Al endi osy kitaptan (red., «Alashordanyń áskerı qurylymy») qarap otyrsaq, bizdiń ásker 1917 jyly jeltoqsanda qurylǵan eken. Meniń oıymsha, qujattardyń negizinde osy datany túbinde ózgertý kerek», dedi Erjan Isaqulov.
Aıta keteıik, Halyqaralyq Túrki akademııasynyń «Tulǵalar taǵylymy» atty dástúrli semınary búgin «Alash áskeri: tarıhtan taǵylym» degen atpen ekinshi ret ótip, onda qoǵam qaıratkeri Berik Ábdiǵalıulynyń «Alashordanyń áskerı qurylymy (1917-1920 jj.)» kitaby tanystyrylǵan bolatyn.
Maıgúl SULTAN,
«Egemen Qazaqstan»