Ata Zań normalaryn iske asyrý keshendi jáne ámbebap sıpatqa ıe. О́ıtkeni ol adamnyń, qoǵam men memlekettiń ómir súrýiniń asa mańyzdy baǵyttarymen baılanysty qoǵamdyq qatynastardyń túrli salalaryn qamtıdy.
El Konstıtýsııasy adamdy jáne adamnyń ómirin, quqyqtary men bostandyqtaryn eń qymbat qazyna dep tanıdy. «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýda konstıtýsııalyq qundylyqtardyń shynaıy ómirde iske asyrylýy kórinis tapty. Bul oraıda Prezıdent «Búginde álem tórtinshi ónerkásiptik revolıýsııa dáýirine, tehnologııalyq, ekonomıkalyq jáne áleýmettik salalardaǵy tereń jáne qarqyndy ózgerister kezeńine qadam basyp keledi, sondyqtan biz jahandyq ózgerister men syn-qaterlerge daıyn bolýymyz qajet», dep atap ótti.
Ýaqyt synyna tótep berý úshin, Elbasy qazaqstandyqtardyń aldyna oryndalýy qajet 10 baǵyttyń basymdylyǵyn belgilep berdi. Qoıylǵan mindetterdiń bári de byltyr ótkizilgen konstıtýsııalyq reformanyń mazmunyna sáıkes keledi. Azamattardyń konstıtýsııalyq quqyqtaryna kepildikti nyǵaıtý, quqyq ústemdigin qamtamasyz etý, quqyq qorǵaý qyzmetin izgilendirý boıynsha Elbasynyń tapsyrmalaryn odan ári iske asyrý basym baǵyttardyń biri bolyp qala beredi dep oılaımyn. Bul turǵydan alǵanda, Konstıtýsııalyq Keńes Tóraǵasy Q.Mámı Konstıtýsııalyq Keńes músheleri men Apparat qyzmetkerleriniń aldyna naqty mindetter qoıdy. Maqsatymyz, baǵyt-baǵdarymyz aıqyn, endi el Prezıdentiniń Joldaýyn iske asyrý jónindegi jumysty saýatty uıymdastyryp, iske kirisý qajet.
Álibek TEMIRBEKOV,
Konstıtýsııalyq Keńes múshesi