Ár senbi men jeksenbi saıyn Jaıyq ózeniniń ústinde san túrli saıystar uıymdastyrylady. Qalalyq sporttyq oıyndar festıvali, shanamen syrǵanaýdan oblystyq chempıonat, balalar arasynda konkı men shańǵy tebýden jarys syndy sharalarǵa qatysýshylardyń sany da kóp. Buqaralyq sportty damytyp, halyqtyń demalýyna jaıly jaǵdaı jasaý maqsatynda muz ústinde arnaıy oryndar jasaldy.
«Beıbarys» hokkeı komandasy da bul bastamadan tys qalmaı, jas jankúıerlerine sheberlik saǵatyn ótkizdi. Oǵan 400-ge jýyq qala turǵyny qatysty. Komanda túgel quramda balalardy hokkeı oıynynyń qyr-syrymen tanystyrdy.
– Bizdiń maqsat – hokkeıdi damytý. Jastardy sportpen shuǵyldanýǵa baýlyp, úlgi kórsetý. Barlyq qurammen búgin sheberlik saǵatyn ótkizdik. О́te qýanyshtymyz,–deıdi komandanyń bas jattyqtyrýshysy Aleksandr Istomın.
Shaıbaly hokkeıden elimizdiń chempıony atanyp júrgen «Beıbarystyń» balalarǵa arnalǵan mektebi de bar. Onda jergilikti jas hokkeıshilerdi daıyndaýǵa den qoıylyp otyr.
Baqytgúl BABASh, «Egemen Qazaqstan»
ATYRAÝ