Almatydaǵy óner oshaqtarynyń ishindegi eń irgeli shyǵarmashylyq eki ujym – Qurmanǵazy atyndaǵy Qazaq memlekettik akademııalyq halyq aspaptary orkestri men memlekettik «Saltanat» án-bı ansambli tolyq quramda birige otyryp, orkestrdiń úlken konsert zalynda Prezıdent Nursultan Nazarbaevtyń halyqqa Joldaýyn talqylady.
Búkil álem qarqyndy damytyp jatqan tehnologııalyq revolıýsııadan Qazaqstan da tysqary tura almaıdy. Álemge tán ózgeris – qazaqstandyqtarǵa da tıesili. Aqparattyq-kommýnıkasııalyq tehnologııalar salasyndaǵy eńbek ónimdiligin arttyryp, qalypty yrǵaqpen damyta túsý úshin naqty sharalar búginnen bastap qolǵa alynýy tıis.
Ulttyq ónerdi damytý jolynda aıyryqsha eńbek sińirip kele qos ujymnyń da basshylary osy turǵyda sóz alyp, Memleket basshysynyń Joldaýynda nazar aýdarylyp otyrǵan barlyq basymdyqtardyń mańyzyna toqtaldy. Memlekettik «Saltanat» án-bı ansambliniń dırektory Maqsat Zakırov ortaq maqsat jolyna jumyldyratyn bıylǵy Joldaýdyń eki ujymnyń da azamattaryna zor jaýapkershilik júkteıtinin aıtty. «Elbasynyń zamanaýı damý joldaryn eskere otyryp, qazaq tiliniń órkendeýine, rýhanı jańǵyrýǵa, halyqtyń densaýlyǵyn nyǵaıtýǵa basa nazar aýdarǵany halqynyń bar qadir-qasıetin boıyna jınaǵan ulttyq rýhyn kórsetti. Aldaǵyny boljap, erteńgisin oılaıtyn, qazaqstandyqtardy, búkil memleketti álemdik órkenıetke jeteleıtin kóregen basshy, saıası qaıratker, tarıhı tulǵa ekenin taǵy bir dáleldedi», dedi Maqsat Demeshuly. Balet bıshisi Denıs Vıtchenko bolsa, elimiz damýynyń endigi kezeńi úshin bul Joldaýdyń naqty is-áreketterge oraılastyrylǵan birtutas ult bolý qadamymyzdy aıqyndaı túsetin qýatqa ıe qujat ekenin jetkizdi. Qazaqstan damýynyń barlyq kókjıegin keńeıte túsetin bul Joldaýmen árbir adam muqııat tanysyp, ózinshe zerdeleýi tıis. Ol óz áriptesterin Elbasy belgilep bergen negizgi on mindettiń oryndalýyna atsalysyp, oǵan tolyq qoldaý bildirýge shaqyrdy.
Aıgúl AHANBAIQYZY, «Egemen Qazaqstan»
ALMATY