Ulytaýda etnoaýyl salynady. Bul týraly búgin Qazaqstan Prezıdenti Nursultan Nazarbaevtyń tóraǵalyǵymen ótken Úkimettiń keńeıtilgen májilisinde Qaraǵandy oblysynyń ákimi Erlan Qoshanov aıtty.
«Sizdiń bastamańyzben qolǵa alynǵan «Rýhanı jańǵyrý» baǵdarlamasyn qaraǵandylyqtar biraýyzdan qoldap otyrǵanyn erekshe atap aıtqym keledi. О́ńirdiń ózindik erekshelikterin Siz jaqsy bilesiz, aýmaǵy úlken, halqy shashyrańqy ornalasqan. Osyny eskere otyryp, turǵyndardy barynsha qamtý úshin shaǵyn jobalarǵa basa nazar aýdarýǵa uıǵardyq», - dedi Qoshanov.
Onyń dereginshe, jalpy alǵanda «Rýhanı jańǵyrý» baǵdarlamasyna 12 mlrd teńgeden astam somaǵa 430 joba engizilip otyr. Tek ótken jyldyń ózinde ǵana óńir mesanattary 74 áleýmettik nysandy salǵan jáne jóndeýden ótkizgen. «Qaraǵandy úshin baǵdarlamanyń basty jobasy- Ulytaý. Mádenıet jáne sport mınıstrligimen birlesip Ulytaýda sapar ortalylyǵy men etnoaýyl salý josparlanýda», - dedi óńir basshysy.