Fransııanyń Vinci qurylys kompanııasy oknkologııa salasyndaǵy álemdik lıderlerdiń birigýimen Pıttsbýrg Ýnıversıtetiniń medısınalyq ortalyǵymen birge (the University of Pittsburgh Medical Center), osy jyly kóktemde Astanada Ortalyq Azııadaǵy iri onkologııalyq ortalyqtyń qurylysyna kirisedi, dep habarlaıdy elorda ákimdiginiń resmı saıty.
«Bul nysannyń biregeıligi onyń rakty emdeý salasyndaǵy tehnıka men ǵylymdaǵy sońǵy jetistikterge saı bolýynda. Zamanaýı keshen aýrýhana, emhana, qonaqúıdi biriktiretin bolady», – deıdi Vinci fılıalynyń Astanadaǵy basshysy Tımýr Djabýa.
Ol mundaı qurylysty salýdyń ıdeıasy memleket basshysyna tıesili ekenin, 2011 jyly respýblıkada álemdik standartqa saı medısınalyq klaster qurý týraly tapsyrma bergenin aıta ketti.
Osy bastamanyń aıasynda Qazaqstan astanasynda Ulttyq onkologııalyq ortalyqtyń qurylysy týraly sheshim qabyldandy. Tapsyrys berýshi bolyp «Nazarbaev ýnıversıteti» shyqty. Olar keńes berýge rakty emdeý salasyndaǵy kóshbasshy – Pıttsbýrg ýnıversıtetiniń Medısınalyq ortalyǵyn shaqyrdy. 2016 jyly fransııalyq Vinci halyqaralyq tenderde Astanadaǵy ortalyqtyń qurylysyn salýdy jeńip aldy.
«Bizdiń mindetimiz Ortalyq Azııadaǵy jańa ortalyqtyń ýaqyt óte kele óz qadamyn jaımenen alǵa jyljytý. Sol sebepti, tehnologııalyq jabdyqtaýǵa kóp kóńil bólinýde, ıaǵnı bolashaqta Pıttsbýrg medısınalyq ortalyǵymen onlaın rejımde jumys isteı alýyna, sondaı-aq osyndaı iri eýropalyq ortalyqtarmen de baılanys ornatý. Budan basqa, jańa medısınalyq keshen onkologııa salasynda halyqaralyq normatıvke saı bolýy tıis», – dep túsindirdi Tımýr Djabýa.
Fransııalyq kompanııa jobany iske asyrý úshin óziniń tańdaýynda qazaqstandyq Bi Groupqa toqtady.
«Jobalaý qazir aıaqtalýdyń aldynda tur, sáýirdiń sońy men mamyrdyń basynda qurylystyń birinshi kezeńin bastaımyz, ıaǵnı irgetasy qalanady», – dedi T.Djabýa.
Ulttyq ǵylymı onkologııalyq ortalyq Nazarbaev ýnıversıteti mańaıy jaqta ornalasady jáne 5 gektardaı jerdi alady. Onda emdeýdiń jańa tehnologııasy, ınnovasııa, aldyńǵy qatarly bıomedısınalyq zertteýler júrgiziledi. Ortalyq aımaqta tolyqtaı onkologııalyq járdem berýdi qamtamasyz etýi tıis.