Eýroodaq jańa eldermen tolyǵady

Alǵashqy kandıdattar re­tinde Serbııa men Cherno­go­rııa atalady. Alaıda olar­dyń máselesi ózgeshe. Eń áýeli eki memleket ózara kelis­peý­shi­likti retteýi tıis. Eger kelis­sóz­der tabysty aıaqtal­sa, eki memleket 2025 jylǵa qaraı EO quramyna enedi. Jańa stra­­tegııaǵa saı, Albanııa men Mak­e­donııaǵa taıaý arada Odaq quramyna kirý jónindegi kelis­sózder júrgizýge usynys jasa­lady. Bosnııa jáne Gerse­govı­na da múshe memleket ata­ný­ǵa negizgi kandıdattyń biri. Qujatta Kosovonyń odaq qu­ra­myna ený úshin Eýropa mem­­leketterimen baılanysyn ny­ǵaıtý qajettigi aıtylǵan.

Alaıda joǵaryda aty atal­ǵan memleketter Eýroodaq qura­myna kirmes buryn bir­qa­tar mańyzdy mindetterdi oryndaýy tıis. Olar: zań­nyń ús­tem­digi, qaýipsizdik salasyn­da­ǵy áriptestikti nyǵaıtý jáne kóshi-qondy baqylaý, eko­no­mı­ka­lyq damýǵa qoldaý, ener­ge­tıkalyq qaýymdastyqty ke­ńeıtý, sıfrly ekonomıkaǵa ótý jáne kórshi elmen tatý qarym-qatynas ornatý. Eýropa ko­mıs­sııasynyń Odaqty keńeı­tý jáne saıasat jónindegi ókili Io­hannes Hannyń aıtýyn­sha, Bal­qan túbegi elderinde áli kún­ge deıin jemqorlyq, tu­raq­­syz ekonomıka jáne shek­ara­lyq kelispeýshilik sekildi túıt­kilder jeterlik.

Jalpy Batys Balqan el­derin Eýropa odaǵyna qabyl­daý máselesi byltyr Bolgarııa tarapynan kóterilgen bolatyn. Muny strategııany qabyldaý barysynda eldiń Syrtqy ister mınıstri Ekaterına Zaharıeva erekshe atap ótti.

Sonymen qatar Eýropalyq komıssııanyń prezıdenti Jan-Klod Iýnker 2017 jylǵy Jol­­daýynda Eýropa odaǵyn ke­ńeıtý­ge ázir ekenin jetkizgen bo­la­­tyn. Buǵan deıin qart qurlyq­­taǵy ekonomıkalyq ále­ýe­ti ortańqol memleketter­den b­a­qýatty elderge halyqtyń jap­paı kóshýi sebebinen Odaqqa jańa músheler qabyldaýǵa tyıym salynǵan bolatyn.

Saıası taqyrypta jazyp júrgen Politico saıty jańa stra­­­tegııany «yzǵarly ma­hab­batqa» teńeıdi. Portal EO kósh­basshylarynyń Batys Bal­qan­ǵa erekshe nazar aýdarýyn Reseı, Qytaı jáne Túrkııa mem­leketteriniń óńirdegi bel­sen­diliginiń artýymen túsin­di­redi. Onyń ústine 2015 jyl­ǵy mıgrasııalyq daǵdarys kezin­de bosqyndardyń Batys Bal­qan arqyly Eýropaǵa úde­re kóshýi aımaqtyń Eýropa oda­ǵyn­daǵy turaqtylyqty saqtap qalýdaǵy mańyzyn kórsetedi.

«Egemen-aqparat»