Qazaqstan-Qytaı birlesken komıssııasynyń XIV otyrysy ótti

Qazaqstandyq delegasııany Qazaq­stan Respýblıkasynyń Inves­tısııalar jáne damý vıse-mınıstri Arystan Qabykenov, Qytaı tarapyn QHR Damý jáne reforma isteri memlekettik komıteti tóraǵasynyń orynbasary Nın Szıchje basqardy.

Taraptar 2015 jyly Qazaqstan Prezıdenti Nursultan Nazarbaev pen QHR Tóraǵasy Sı Szınpınniń bas­ta­ma­symen Qazaqstandaǵy óndi­ris­tik qýattylyqtardy damytý baǵdarlamasynyń (51 joba) iske asyrylý barysyn talqylady. Sondaı-aq Qytaı damý bankiniń, Jibek joly qory ókilderiniń baıandamalary tyń­daldy, ekonomıkanyń shıkizat­tyq emes sektorlaryndaǵy sıfrlan­­dyrý, jasyl jáne basqa da joǵary tehno­logııalar salasyndaǵy ózara is-qımyl­dy damytýdyń aldaǵy qadamdary qaraldy.

«Biz qazirgi tańda Qytaı men Qazaq­stannyń damý baǵdarlamalaryn odan ári sáıkestendirý máselelerin zerttep jatyrmyz. Osy turǵydan alǵanda Nursultan Nazarbaevtyń bıylǵy Qazaqstan halqyna Joldaýy óte qyzyqty, ony biz muqııat zerdelep shyqtyq, ol sıfrlandyrý, ındýstrııa­landyrý, taza energııa kózderin damytý jáne basqa da salalardaǵy eki el arasyndaǵy ózara is-qımyl úshin eleýli múmkindikter ashady», dedi Qytaı damý bankiniń josparlaý departamenti dırektorynyń orynbasary Hý Dýnshen.

Beıjińge eki kúndik sapar aıasyn­da A.Qabykenovtiń China Power International Holding, China Telecom, Shanghai Electric Corp., YTO Group, COSCO Shipping Lines, NFC, NORINCO International jáne t.b. iri qytaılyq ınvestor kompanııalardyń basshylarymen kezdesýi josparlanǵan.

«Egemen-aqparat»